উত্তৰ প্ৰদেশৰ ফিৰোজাবাদ জিলাত এক শোকাৱহ পথ দুৰ্ঘটনা সংঘটিত হৈছে । দুৰ্ঘটনাটোত পাঁচজন লোকৰ মৃত্যু হৈছে আৰু ২০ জন লোক আহত হয়। ঘটনাটো ফিৰোজাবাদৰ নাছিৰপুৰ অঞ্চলৰ মাইলষ্টোন ৪৯ ত সংঘটিত হৈছিল।
জানিব পৰা মতে পৰিয়ালটোৱে মুণ্ডান অনুষ্ঠান শেষ কৰি এখন ট্ৰেভেলাৰত মথুৰাৰ পৰা লক্ষ্ণৌলৈ উভতি গৈ আছিল ।ট্ৰেভেলাৰখনত ২৮ জন লোক আছিল আৰু সকলোবোৰ আত্মীয় লোক আছিল । বাছখন আহি থকাৰ সময়তে টোপনি গৈছিল চালক জন।ফলত তীব্ৰবেগত আহি থকা বাছখনে নিয়ন্ত্ৰণ হেৰুৱাই ৰৈ থকা এখন ট্ৰাকত খুন্দা মাৰে ।
দুৰ্ঘটনাটো ইমানেই ভয়ংকৰ আছিল যে বাছখনত থকা ৫ জন লোকৰ মৃত্যু হোৱাৰ লগতে ২৩ জনকৈ লোক গুৰুত্বৰভাৱে আহত হয়। জানিব পৰা মতে পৰিয়ালটো উভতি অহাৰ পথত বাটতে ৰৈ সকলো খাদ্য খাইচিল ।সেই সময়তে চালকজনে সুৰা পান কৰিছিল । চালকজনে সুৰাপান কৰাৰ বাবেই প্ৰাণ হেৰুৱাব লগা হ’ল ৫জনকৈ লোকে।
