ফায়াৰফ্লাই এৰ’স্পেচৰ চন্দ্ৰ অভিযান ব্লু ঘোষ্ট (BLUE GHOST) চন্দ্ৰপৃষ্ঠত সফলতাৰে অৱতৰণ কৰিছে । চন্দ্ৰৰ মাৰে ক্ৰাইজিয়াম অঞ্চলত এই অৱতৰণ হয় । এই অভিযান হৈছে চন্দ্ৰৰ অদৃশ্য অংশত অৱতৰণ কৰিবলগীয়া তিনিটা ডাঙৰ মহাকাশ অভিযানৰ আৰম্ভণি । ২০২৫ চনৰ ১৫ জানুৱাৰীত স্পেচএক্সৰ ৰকেট ফেলকন ৯ৰ দ্বাৰা মহাকাশলৈ উৎক্ষেপণ কৰা হৈছিল ব্লু গোষ্ট অভিযান ।
এই মহাকাশ অভিযানে প্ৰায় এমাহ ধৰি পৃথিৱীক প্ৰদক্ষিণ কৰিছিল । ইয়াৰ পিছত ই চন্দ্ৰলৈ ৰাওনা হয় আৰু ১৬ দিন চন্দ্ৰৰ কক্ষপথত থকাৰ পিছত ২ মাৰ্চত চন্দ্ৰৰ পৃষ্ঠত সফলতাৰে অৱতৰণ কৰে । ফায়াৰফ্লাই এৰ’স্পেচ কোম্পানীয়ে এক বিবৃতি প্ৰকাশ কৰি কয় যে ব্লু ঘোষ্ট চন্দ্ৰত সফলতাৰে অৱতৰণ কৰিছে । ইয়াৰ লগে লগে ফায়াৰফ্লাই এৰ’স্পেচ প্ৰথমটো ব্যক্তিগত কোম্পানী হিচাপে পৰিগণিত হৈছে যাৰ মহাকাশযান চন্দ্ৰত অৱতৰণ কৰিছে । চন্দ্ৰত অন্বেষণৰ দিশত এয়া এক ডাঙৰ পদক্ষেপ বুলি প্ৰমাণিত হ’ব । উল্লেখযোগ্য যে ফায়াৰফ্লাই এৰ’স্পেছে নাছাৰ সহায়ত এই অভিযান চলাইছে ।
