মুম্বাইৰ পৰা দিল্লীলৈ যোৱা এয়াৰ ইণ্ডিয়াৰ এআই২৯৯৪ বিমানখন বহুতো সমস্যাৰ সন্মুখীন হৈছে। পুৱা ১০.২৫ বজাত বিমানখনে মুম্বাইৰ টাৰ্মিনেল ২ ৰ পৰা দিল্লীলৈ উৰা মাৰিব লগা আছিল।
কিন্তু ২ বাজি যোৱাৰ পিছটো বিমানখন উৰা মৰা নাছিল। বিমানখনৰ ভিতৰত যাত্ৰীসকলৰ হাহাকাৰ অৱস্থাৰ সৃষ্টি হৈছিল। সামাজিক মাধ্যমত যাত্ৰী সকলৰ এটা ভিডিঅ’ ভাইৰেল হৈছে।
য’ত তেওঁলোকে অভিযোগ কৰিছে যে বিমানখন পলম হোৱা আৰু যাত্ৰীসকলে সন্মুখীন হোৱা সমস্যা সন্দৰ্ভত এয়াৰলাইন কোম্পানী এয়াৰ ইণ্ডিয়াৰ পৰা কোনো বিবৃতি দিয়া হোৱা নাই।
ভোকে-পিয়াহে সকলোৰে অৱস্থা অতি বেয়া হৈ পৰিছিল। পিছত যাত্ৰী সকলক আন এখন বিমানেৰে দিল্লীলৈ প্ৰেৰণ কৰা হয়।
