কটন বিশ্ববিদ্যালয়ত ভোট বিসংগতি। আকৌ হ’ব ভোট গণনা

কটন বিশ্ববিদ্যালয়ৰ নিৰ্বাচনী ফলাফলৰ পাছতেই লাগিছে খেলিমেলি। সাধাৰণ সম্পাদক পদৰ বাবে সোমবাৰে কটনত হ’ব পুনৰ ভোটগণনা।শুকুৰবাৰে হোৱা ভোটগণনাত সাধাৰণ সম্পাদকৰ পদত জয়ী হৈছিল নীৰৱ হাজৰীকা । আৰু এটা ভোটত পৰাস্ত হৈছিল কুলদ্বীপ গৌতম শৰ্মা । তাৰ পিছতেই কুলদ্বীপৰ সমৰ্থকে পুনৰ ভোটগণনাৰ দাবী কৰিছিল ।বাতিল হোৱা ২৭ টা ভোটৰ ৭ টা ভোট দিয়া আছিল ৰঙা চিয়াঁহীৰে। কিন্তু  জাননীত উল্লেখ নাছিল ৰঙা চিয়াঁহীৰে বেলটত ভোট দিব নোৱাৰিব বুলি। এই অভিযোগ RKB ছাত্ৰাৱাসৰ আৱাসীৰ। বিয়লিৰ পৰা পুৱতিনিশালৈ ছাত্ৰ-ছাত্ৰীৰে আলোচনাৰ অন্তত কৰ্তৃপক্ষই ল’লে পুনৰ ভোটগণনাৰ সিদ্ধান্ত। বিসংগতিৰ পিছতে RKB ছাত্ৰাৱাসৰ ছাত্ৰসকলে পুৱতিনিশালৈকে আৱদ্ধ কৰি ৰাখিছিল উপাচাৰ্য গৰাকীক। পুনৰ ভোটগণনাৰ বাবে প্ৰতিবাদো কৰিছিল ছাত্ৰ-ছাত্ৰীসকলে। অৱশেষত ৭ অক্টোবৰত পুনৰ হ’ব সা: সম্পাদক পদৰ ভোটগণনা ।