ইজৰাইলৰ সৈতে তীব্ৰ উত্তেজনাৰ মাজতে ইৰাণে সফলতাৰে মহাকাশলৈ প্ৰক্ষেপণ কৰা বুলি দাবী কৰি এক আলোড়নৰ সৃষ্টি কৰিছে। তেহৰানে সোমবাৰে সফল উৎক্ষেপণৰ দাবী কৰিছিল।
এইটো ইয়াৰ শেহতীয়া উৎক্ষেপণ কাৰ্যসূচীৰ অংশ, যাক পশ্চিমীয়া দেশবোৰে সমালোচনা কৰিছে।পশ্চিমীয়া দেশসমূহে তেহৰাণক ইয়াৰ বেলিষ্টিক মিছাইল কাৰ্যসূচীৰ প্ৰচাৰ কৰাৰ অভিযোগ কৰিছে।
এইটো ইৰাণৰ এটা অতি গোপন উৎক্ষেপণ কাৰ্যসূচী আছিল। উৎক্ষেপণ সফল হোৱাৰ পিছত, ইয়াৰ তথ্য ইৰাণে শ্বেয়াৰ কৰিছে।
ইৰাণে উপগ্ৰহ কঢ়িওৱা বাহন ব্যৱহাৰ কৰি ‘চিমৰ্গ’ বাহনৰ জৰিয়তে উপগ্ৰহটো উৎক্ষেপণ কৰিছে। ইজৰাইল আৰু আমেৰিকা যুক্তৰাষ্ট্ৰকে ধৰি আন দেশসমূহে ইৰাণৰ এই উৎক্ষেপণৰ পৰ্যালোচনা কৰিবলৈ একত্ৰিত হৈছে আৰু সম্পূৰ্ণ সতৰ্কতা অৱলম্বন কৰি আছে।
ইয়াৰ পূৰ্বে ইৰাণৰ পৰা আৰম্ভ কৰা বহুতো প্ৰচেষ্টা বিফল হৈছে।উৎক্ষেপণটো ইৰাণৰ চেমনান প্ৰদেশৰ ইমাম খোমেনি স্পেচপোৰ্টৰ পৰা সম্পন্ন কৰা হৈছিল।
উৎক্ষেপণৰ সফলতা তাৎক্ষণিকভাৱে স্বতন্ত্ৰভাৱে নিশ্চিত কৰিব পৰা নগ’ল। কিন্তু ইৰানে ইয়াক সফল বুলি দাবী কৰিছিল।
গাজা ষ্ট্ৰিপত হামাসৰ বিৰুদ্ধে ইজৰাইলৰ চলিত যুদ্ধ আৰু লেবাননত দুৰ্বল যুদ্ধবিৰতি চুক্তিক লৈ পশ্চিম এছিয়াত বৰ্ধিত উত্তেজনাৰ মাজত ইৰাণৰ দ্বাৰা এই উৎক্ষেপণ কৰা হৈছে।
আমেৰিকাই আগতে কৈছিল যে ইৰাণৰ উপগ্ৰহ উৎক্ষেপণে ৰাষ্ট্ৰসংঘৰ নিৰাপত্তা পৰিষদৰ প্ৰস্তাৱ উলংঘা কৰিছে আৰু তেহৰাণক পাৰমাণৱিক অস্ত্ৰ প্ৰদান কৰিব পৰা বেলিষ্টিক মিছাইল সম্পৰ্কীয় যিকোনো কাৰ্যকলাপ বন্ধ কৰিবলৈ কৈছে।
