ইৰাণৰ প্ৰতিবাদকাৰীৰ ওপৰত গুলীচালনা খামেইনী চৰকাৰৰ; মছজিদত অগ্নিসংযোগ প্ৰতিবাদকাৰীৰ
ইৰাণত অধিক হিসাত্মক হৈ পৰিছে প্ৰতিবাদ। ইৰাণৰ প্ৰতিবাদকাৰীৰ ওপৰত গুলীচালনা খামেইনী চৰকাৰৰ। হিসাত্মক প্ৰতিবাদত জ্বলিছে ইৰাণ।
ইৰাণত খামেইনী চৰকাৰৰ বিৰুদ্ধে জনসাধাৰণৰ বিদ্ৰোহ হিসাত্মক হৈ পৰিছে।দেশখনত যোৱা ১৪ দিন ধৰি বৃহৎ সংখ্যক জনসাধাৰণে ৰাজপথলৈ ওলাই আহি প্ৰতিবাদ সাব্যস্ত কৰিছে।
এগৰাকী চিকিৎসকে জানিবলৈ দিয়া মতে, তেহৰাণত ২০০ৰো অধিক লোকৰ মৃত্যু হোৱাৰ খবৰ পোৱা গৈছে কাৰণ চৰকাৰে প্ৰতিবাদকাৰীৰ ওপৰত গুলীচালনা কৰিছে।ইৰাণৰ উচ্চতম নেতা আয়াতুল্লাহ আলী খামেইনীয়ে এই প্ৰতিবাদৰ বাবে আমেৰিকাক জগৰীয়া কৰিছে।
ইৰাণৰ সৰ্বোচ্চ নেতা আয়াতুল্লাহ আলী খামেইনীয়ে শনিবাৰে আস্থা প্ৰকাশ কৰে যে ইৰাণৰ জনসাধাৰণে অতি সোনকালে বিজয়ৰ অভিজ্ঞতা লাভ কৰিব।
তেওঁ X ত এটা পোষ্টত লিখিছে যে,’ঈশ্বৰৰ কৃপাত অতি সোনকালে সকলো ইৰাণী জনসাধাৰণৰ হৃদয়ত জয়ৰ অনুভৱ আহিব।’
আমেৰিকাৰ ৰাষ্ট্ৰপতি ড’নাল্ড ট্ৰাম্পে ইৰাণ কৰ্তৃপক্ষক প্ৰতিবাদকাৰীৰ বিৰুদ্ধে বল প্ৰয়োগ নকৰিবলৈ বাৰে বাৰে সকীয়াই দিছে আৰু অধিক হত্যা হ’লে কঠোৰ প্ৰতিশোধৰ ভাবুকি দিছে।
ইৰাণৰ সৰ্বোচ্চ নেতা আয়াতুল্লাহ আলী খামেইনীয়ে আমেৰিকাৰ সতৰ্কবাণীক আওকাণ কৰি দেশত শেহতীয়াকৈ সৃষ্টি হোৱা অশান্তিৰ বাবে বিদেশী হস্তক্ষেপৰ বাবে দোষাৰোপ কৰিছে।
ইফালে ইৰাণত প্ৰতিবাদ তীব্ৰতৰ হোৱাৰ লগে লগে চৰকাৰে ইণ্টাৰনেট কৰ্তন কৰিছে।যাৰ বাবে ছ’চিয়েল মিডিয়া এই প্ৰতিবাদ সীমিত হৈ পৰিছে।
লগতে পঢ়ক: মেক্সিকোত লেণ্ড ষ্ট্ৰাইক আক্ৰমণ কৰিব আমেৰিকাই! ড’নাল্ড ট্ৰাম্পে কৰিলে ঘোষণা