ভাৰতীয় ক্ৰিকেট দলটোৱে ঘৰুৱা ক্ষেত্ৰত ইংলেণ্ডৰ বিৰুদ্ধে তিনিখন মেচৰ এদিনীয়া শৃংখলা খেলিব । এই এদিনীয়া শৃংখলাৰ বাবে ভাৰতীয় দলটো ঘোষণা কৰা হৈছে । ১৮ জানুৱাৰীত মুম্বাইত এখন সংবাদমেলযোগে ৰোহিত শৰ্মা আৰু অজিত আগকাৰে দল ঘোষণা কৰে । এই এদিনীয়া শৃংখলাৰ বাবে ভাৰতীয় দলত চেম্পিয়নছ ট্ৰফীত অংশগ্ৰহণ কৰিবলগীয়া প্ৰায় একেখিনি খেলুৱৈকে অন্তৰ্ভুক্ত কৰা হৈছে । বুমৰাহ এদিনীয়া শৃংখলাৰ বাবেও দলৰ অংশ যদিও তেওঁৰ খেলাৰ সিদ্ধান্ত পিছত লোৱা হ’ব । এনে পৰিস্থিতিত হৰ্ষিত ৰাণাকো দলত সুযোগ দিয়া হৈছে ।
বুমৰাহ সন্দৰ্ভত এই আপডেট দিলে আগৰকাৰে-
মুখ্য নিৰ্বাচক অজিত আগৰকাৰে বুমৰাহ সন্দৰ্ভত কয়, ‘বুমৰাক পাঁচ সপ্তাহৰ বাবে জিৰণি ল’বলৈ কোৱা হৈছে । বি চি চি আইৰ চিকিৎসা দলে তেওঁৰ সন্দৰ্ভত আপডেট দিব । ফেব্ৰুৱাৰী মাহৰ প্ৰথম সপ্তাহৰ পিছত তেওঁ সুস্থ হৈ উঠিব বুলি আশা কৰা হৈছে । বৰ্তমান সময়ত কৰুণ নায়াৰৰ বাবে এই দলত স্থান পোৱাটো অতি কঠিন । কিন্তু প্ৰদৰ্শনৰ ওপৰত নিশ্চয় লক্ষ্য কৰা হ’ব ।‘
ইংলেণ্ডৰ বিৰুদ্ধে এদিনীয়া শৃংখলাৰ বাবে ১৬ জনীয়া ভাৰতীয় দল : ৰোহিত শৰ্মা (অধিনায়ক), শুভমন গীল (উপ-অধিনায়ক), বিৰাট কোহলী, শ্ৰেয়াছ আয়েৰ, কে এল ৰাহুল (উইকেটকীপাৰ), ঋষভ পন্ট (উইকেটকীপাৰ), হাৰ্দিক পাণ্ডিয়া, যশস্বী জয়ছোৱাল, ৰবীন্দ্ৰ জাডেজা, অক্ষৰ পেটেল, কুলদীপ যাদৱ, যশপ্ৰীত বুমৰাহ**, মহম্মদ ছামী, অৰ্শদীপ সিং, ৱাশ্বিংটন সুন্দৰ, হৰ্ষিত ৰাণা ।
উল্লেখ্য যে ভাৰত ভ্ৰমণত ইংলেণ্ড দলে প্ৰথমে ৫খনীয়া মেচৰ টি-২০ ছিৰিজ খেলিব । ২২ জানুৱাৰীত কলকাতাত অনুষ্ঠিত হ’ব প্ৰথমখন খেল । টি-২০ৰ পিছত ভাৰত আৰু ইংলেণ্ডৰ মাজত হ’ব ৩খন এদিনীয়া শৃংখলা । এদিনীয়া ফৰ্মেটত অনুষ্ঠিত হ’ব চেম্পিয়নছ ট্ৰফী । এনে পৰিস্থিতিত এই শৃংখলা দুয়োটা দলৰ বাবে এক অনুশীলন হ’বলৈ গৈ আছে । অহা ৬ ফেব্ৰুৱাৰীত নাগপুৰত অনুষ্ঠিত হ’ব এই শৃংখলাৰ প্ৰথমখন এদিনীয়া ।
