ইউক্ৰেইনৰ ৰাষ্ট্ৰপতি ভলোডিমিৰ জেলেনস্কি এতিয়া শান্তি আলোচনাত সন্মত হৈছে। তেওঁ নিজেই এই তথ্য প্ৰদান কৰিছে। জেলেনস্কিৰ সন্মতিৰ পিছত, আলোচনাৰ স্থানো নিৰ্ধাৰণ কৰা হৈছে।
এতিয়া আমেৰিকা যুক্তৰাষ্ট্ৰ আৰু ইউক্ৰেইনে প্ৰথম আনুষ্ঠানিক শান্তি আলোচনাৰ বাবে চৌদি আৰৱত মুখামুখিকৈ বহিব।
ইয়াৰ পূৰ্বে ৱাশ্বিংটনৰ ওভাল কাৰ্যালয়ত আমেৰিকা যুক্তৰাষ্ট্ৰৰ ৰাষ্ট্ৰপতি ডনাল্ড ট্ৰাম্প আৰু ইউক্ৰেইনৰ ৰাষ্ট্ৰপতি জেলেনস্কিৰ মাজত হোৱা আলোচনা সম্পূৰ্ণৰূপে বিফল হৈছিল।
এই সময়ছোৱাত দুয়োগৰাকী নেতাৰ মাজত তীব্ৰ বিতৰ্ক হৈছিল। অৱশ্যে, এতিয়া জেলেনস্কিয়ে শান্তি আলোচনাত সন্মত হৈছে।
জেলেনস্কিয়ে কৈছিল যে যুদ্ধসমাপ্তিৰ বাবে ইউক্ৰেইন আৰু আমেৰিকা যুক্তৰাষ্ট্ৰৰ মাজত আলোচনা অহা সপ্তাহত চৌদি আৰৱত অনুষ্ঠিত হ'ব।
জেলেনস্কিয়ে বৃহস্পতিবাৰে কৈছিল যে তেওঁ সোমবাৰে চৌদি আৰৱ ভ্ৰমণ কৰিব আৰু তেওঁৰ দলটো আমেৰিকান বিষয়াসকলৰ সৈতে মীমাংসা কৰিবলৈ তাত থাকিব।
তেওঁ লগতে কয় যে, “মই ৰাজকুমাৰক লগ কৰিবলৈ চৌদি আৰৱলৈ যাম। তাৰ পিছত মোৰ দলটোৱে আমেৰিকাৰ অংশীদাৰৰ সৈতে কাম কৰিবলৈ চৌদি আৰৱত থাকিব। ইউক্ৰেইন শান্তিৰ প্ৰতি আটাইতকৈ বেছি আগ্ৰহী”।
