আমেৰিকাৰ ৪৭ সংখ্যক ৰাষ্ট্ৰপতি হ’বলৈ সাজু হৈছে ড’নাল্ড ট্ৰাম্প । আজি অৰ্থাৎ ২০২৫ চনৰ ২০ জানুৱাৰী, সোমবাৰে ট্ৰাম্পে দ্বিতীয়বাৰৰ বাবে ৰাষ্ট্ৰপতি হিচাপে শপত গ্ৰহণ কৰিব । উল্লেখ্য যে দুপৰীয়া ১২ বজাৰ পৰা আৰম্ভ হৈছে ট্ৰাম্পৰ শপতগ্ৰহণ অনুষ্ঠান । কিন্তু আমেৰিকাত ৰাষ্ট্ৰপতিক কোনে শপত গ্ৰহণ কৰোৱাই জানেনে ?
আমেৰিকাৰ নতুন ৰাষ্ট্ৰপতি ড’নাল্ড ট্ৰাম্প-
আমেৰিকাৰ নৱনিৰ্বাচিত ৰাষ্ট্ৰপতি ড’নাল্ড ট্ৰাম্পে আজি শপত গ্ৰহণ কৰিবলৈ ওলাইছে । ইয়াৰ লগে লগে জো বাইডেনৰ কাৰ্যকালৰো অন্ত পৰিল । উল্লেখ্য যে ট্ৰাম্প দ্বিতীয়বাৰৰ বাবে আমেৰিকাৰ ৰাষ্ট্ৰপতি হ’বলৈ ওলাইছে । সহজ ভাষাত ক’ব পাৰি যে হোৱাইট হাউছ এৰাৰ প্ৰায় ৪ বছৰ পিছত ট্ৰাম্পে পুনৰ প্ৰৱেশ কৰিব হোৱাইট হাউছত ।
কোনে শপত গ্ৰহণ কৰোৱাই ?
আমেৰিকাৰ ৱাশ্বিংটনত বৰ্তমান অত্যন্ত ঠাণ্ডা । যাৰ বাবে ড’নাল্ড ট্ৰাম্পে শপতগ্ৰহণৰ সময়ত দিয়া উদ্বোধনী ভাষণ মুকলিকৈ অনুষ্ঠিত নহ’ব । আমেৰিকাৰ কেপিটেলৰ ৰটাণ্ডাৰ ভিতৰতে শপত গ্ৰহণ অনুষ্ঠান অনুষ্ঠিত হৈছে । মুখ্য ন্যায়াধীশ জন ৰবাৰ্টছে আমেৰিকাৰ ৰাষ্ট্ৰপতি আৰু উপ-ৰাষ্ট্ৰপতিক শপত বাক্য পাঠ কৰোৱাব । আমেৰিকাৰ যিকোনো ৰাষ্ট্ৰপতিক শপত গ্ৰহণ কৰোৱাই মুখ্য ন্যায়াধীশে ।
আমেৰিকাৰ ৰাষ্ট্ৰপতিৰ ৩৫ শব্দৰ শপত ?
উল্লেখ্য যে আমেৰিকাৰ ৰাষ্ট্ৰপতিয়ে ৩৫ টা শব্দত শপত লয় । এই শব্দবোৰ আমেৰিকাৰ সংবিধানৰ এক গুৰুত্বপূৰ্ণ অংশ, যাক সংবিধানৰ মৌলিক আত্মা বুলি কোৱা হয় ।
“I do solemnly swear (or affirm) that I will faithfully execute the Office of President of the United States, and will to the best of my ability, preserve, protect and defend the Constitution of the United States.”
মই দৃঢ়তাৰে শপত খাওঁ (বা প্ৰতিজ্ঞা কৰোঁ) যে মই বিশ্বস্ততাৰে আমেৰিকাৰ ৰাষ্ট্ৰপতিৰ পদ নিষ্ঠাৰে পালন কৰিম, আৰু মোৰ সম্পূৰ্ণ সামৰ্থ্যৰে আমেৰিকাৰ সংবিধান সংৰক্ষণ, সুৰক্ষা আৰু ৰক্ষা কৰিম ।”
দুখন বাইবেল লৈ শপত গ্ৰহণ কৰিব ট্ৰাম্পে-
উল্লেখ্য যে ৰাষ্ট্ৰপতিৰ শপত গ্ৰহণ অনুষ্ঠানৰ সময়ত ড’নাল্ড ট্ৰাম্পে দুখন বাইবেল ব্যৱহাৰ কৰিব । ইয়াৰে এখন তেওঁক মাতৃয়ে উপহাৰ হিচাপে দিছিল, আনহাতে আনখন হৈছে লিংকন বাইবেল ।
শপতগ্ৰহণ অনুষ্ঠানত উপস্থিত থাকিব এইসকল অতিথি-
ট্ৰাম্পৰ শপত গ্ৰহণ অনুষ্ঠানত ভাৰতক প্ৰতিনিধিত্ব কৰিব বৈদেশিক মন্ত্ৰী এছ জয়শংকৰে । আৰ্জেণ্টিনাৰ ৰাষ্ট্ৰপতি জেভিয়াৰ মেলি, ইটালীৰ প্ৰধানমন্ত্ৰী জৰ্জিয়া মেলোনি লগতে ৰিলায়েন্স ইণ্ডাষ্ট্ৰীজৰ অধ্যক্ষ মুকেশ আম্বানী আৰু নীতা আম্বানী ভাৰতৰ অতিথি হিচাপে উপস্থিত আছে । একে সময়তে টেছলা আৰু স্পেচএক্সৰ চি ই অ’ ইলন মাস্ক, আমাজনৰ কাৰ্যবাহী অধ্যক্ষ জেফ বেজোছ আৰু মেটা প্লেটফৰ্মছৰ চিইঅ’ মাৰ্ক জুকাৰবাৰ্গেও এই অনুষ্ঠানত অংশগ্ৰহণ কৰিছে ।
