অষ্ট্ৰেলিয়াই ভাৰতক পাঁচখন খেলৰ হাই-প্ৰফাইল বৰ্ডাৰ গাভাস্কাৰ টেষ্ট শৃংখলাত ৩-১ ত পৰাস্ত কৰে। ১০ বছৰৰ ভিতৰত প্ৰথমবাৰৰ বাবে, অষ্ট্ৰেলিয়াই বৰ্ডাৰ গাভাস্কাৰ টেষ্ট শৃংখলাত ভাৰতক পৰাস্ত কৰে আৰু ট্ৰফী দখল কৰে।
অষ্ট্ৰেলিয়া ভ্ৰমণত খেলা টেষ্ট শৃংখলাত ৩-১ ত পৰাজয়ৰ পিছত, টীম ইণ্ডিয়াক নিৰন্তৰ প্ৰশ্ন কৰা হৈছে আৰু অনুৰাগীসকল ক্ষোভিত হৈ পৰিছে।
কিন্তু তাৰ মাজতে প্ৰাক্তন ক্ৰিকেটাৰ মহম্মদ কাইফে টীম ইণ্ডিয়াৰ ওপৰত বিশ্বাস কৰি এটা ভিডিঅ’ শ্বেয়াৰ কৰিছে। ভিডিঅ’টোত তেওঁ কৈছে যে “যদি টীম ইণ্ডিয়াই চেম্পিয়নছ ট্ৰফী টুৰ্ণামেণ্টত পাকিস্তানক পৰাস্ত কৰে, তেন্তে তেওঁলোকে যথেষ্ট প্ৰশংসা লাভ কৰিব।
অৱশ্যে, যদি ভাৰতে বিশ্ব টেষ্ট চেম্পিয়নশ্বিপৰ বাবে দলটো বনাব লগা হয়, তেন্তে আমি টেষ্ট মেচ দলটো ভালদৰে তৈয়াৰ কৰিব লাগিব”। উল্লেখ্য যে আইচিচি চেম্পিয়নছ ট্ৰফী ১৯ ফেব্ৰুৱাৰীৰ পৰা ৯ মাৰ্চলৈ খেলা হ’ব।
ভাৰত আৰু পাকিস্তানৰ মাজত অনুষ্ঠিত হ’বলগীয়া আইচিচি চেম্পিয়নছ ট্ৰফী ২০২৫ প্ৰতিযোগিতাখন ২৩ ফেব্ৰুৱাৰীত ডুবাইত অনুষ্ঠিত হ’ব। প্ৰাক্তন ক্ৰিকেটাৰ মহম্মদ কাইফে সামাজিক মাধ্যমত শ্বেয়াৰ কৰা ভিডিঅ’
টোত কৈছে যে “২৩ ফেব্ৰুৱাৰীত পাকিস্তানক পৰাস্ত কৰিলে ভাৰতে যথেষ্ট প্ৰশংসা লাভ কৰিব আৰু সকলোৱে ক’ব যে আমি বগা বলৰ ক্ৰিকেটত চেম্পিয়ন।অৱশ্যে, যদি ভাৰতে বিশ্ব টেষ্ট চেম্পিয়নশ্বিপৰ বাবে দলটো বনাব লগা হয়, তেন্তে আমি টেষ্ট মেচ দল তৈয়াৰ কৰিব লাগিব। আমি টাৰ্ণিং ট্ৰেকত খেলিবলৈ শিকিব লাগিব, অষ্ট্ৰেলিয়াত আমি চিমিং ট্ৰেকত খেলিবলৈ শিকিব লাগিব”।
মহম্মদ কাইফে আৰু কৈছিল, ‘সঁচা কথাটো হ’ল যে আমি কেৱল বগা বলৰ খেলুৱৈ। আমি বহুত পিছ পৰি আছোঁ। যদি আমি ডব্লিউটিচি জিকিব বিচাৰো, তেন্তে খেলুৱৈসকলে টাৰ্ণিং ট্ৰেকত ঘৰুৱা ক্ৰিকেট খেলিব লাগিব, চিমিং ট্ৰেকত অনুশীলন কৰিব লাগিব, অন্যথা আমি জিকিব নোৱাৰিম”।
“ভাৰত অষ্ট্ৰেলিয়াৰ লগত ৩-১ত পৰাজিত হৈছিল, আৰু মই ভাবো এইটো এটা সতৰ্কবাণী কিয়নো এতিয়া আমি আমাৰ মনোযোগ টেষ্ট ক্ৰিকেটলৈ স্থানান্তৰ কৰিব লাগিব”।
” এইটো কেৱল গৌতম গম্ভীৰৰ দোষ নহয়। সকলো খেলুৱৈয়ে ৰঞ্জী ট্ৰফী খেলিবলৈ সুযোগ পায়, কিন্তু ই খেলুৱৈসকলক ভাগৰুৱা কৰি তোলে আৰু তেওঁলোকে ৰঞ্জী ট্ৰফী খেলাৰ সলনি বিশ্ৰাম ল’বলৈ পছন্দ কৰে”।
তেওঁ আৰু কয় “ভাৰতীয় খেলুৱৈসকলে ৰঞ্জী ট্ৰফী নেখেলে, তেওঁলোকে অনুশীলন মেচ নেখেলে তেনেহলে তেওঁলোক কেনেকৈ উন্নত খেলুৱৈ হ’ব”?
“ভাৰতত টাৰ্ণিং ট্ৰেকত খেলাটো কঠিন আৰু অষ্ট্ৰেলিয়া আৰু দক্ষিণ আফ্ৰিকাত এটা চিমিং ট্ৰেকত খেলাটো আৰু অধিক কঠিন। গতিকে যদি আপুনি ভালদৰে অনুশীলন নকৰে, ডব্লিউটিচি আপোনাৰ পৰা আঁতৰি থাকিব।যি হ’ল এইটো ভালৰ বাবে হ’ল আৰু এতিয়া টীম ইণ্ডিয়াই টেষ্ট ক্ৰিকেটৰ বাবে কঠোৰ পৰিশ্ৰম কৰিব লাগিব”।
