ৰাষ্ট্ৰসংঘ

ভাৰতে ৰাষ্ট্ৰসংঘৰ নিৰাপত্তা পৰিষদ (UNSC)ত পাকিস্তানৰ ‘তীব্ৰ ভণ্ডামি’ আচৰণক গৰিহণা দি কয় যিখন দেশত সন্ত্ৰাসবাদী আৰু নাগৰিকৰ মাজত কোনো পাৰ্থক্য নাই, নাগৰিকৰ সুৰক্ষাৰ কথা কোৱাৰ তেওঁৰ কোনো অধিকাৰ নাই।

ভাৰতে আলোকপাত কৰে যে চলিত মাহৰ আৰম্ভণিতে পাকিস্তানী সেনাই ইচ্ছাকৃতভাৱে ভাৰতৰ সীমান্তৱৰ্তী গাঁওসমূহত গুলিবৰ্ষণ কৰিছিল, য’ত সাধাৰণ নাগৰিকক হত্যা কৰা হৈছিল আৰু ইচ্ছাকৃতভাৱে ধৰ্মীয় স্থানক লক্ষ্য কৰি লোৱা হৈছিল।

ৰাষ্ট্ৰসংঘত ভাৰতৰ স্থায়ী প্ৰতিনিধি পাৰ্বথানেনী হৰিশে কয় যে, ‘পাকিস্তানৰ প্ৰতিনিধিয়ে কেইবাটাও বিষয়ত উত্থাপন কৰা ভিত্তিহীন অভিযোগৰ উত্তৰ দিবলৈ বাধ্য হৈছো।’

পাকিস্তানে উত্থাপন কৰিছিল কাশ্মীৰৰ প্ৰসংগ

ভাৰতৰ পূৰ্বে ৰাষ্ট্ৰসংঘত পাকিস্তানৰ ৰাষ্ট্ৰদূত অসীম ইফতিখাৰ আহমেদে ভাষণত কাশ্মীৰ বিষয়টো উত্থাপন কৰিছিল।

শেহতীয়াকৈ ভাৰত আৰু পাকিস্তানৰ মাজত সংঘাতৰ কথাও কয়।সেই সন্দৰ্ভত তীব্ৰ প্ৰতিক্ৰিয়া প্ৰকাশ কৰি ৰাষ্ট্ৰসংঘত হৰিশে কয় যে ভাৰতে দশক দশক ধৰি নিজৰ সীমান্তত পাকিস্তানৰ পৃষ্ঠপোষকতাত সন্ত্ৰাসবাদী আক্ৰমণৰ সন্মুখীন হৈ আহিছে।

ভাৰতে পাকিস্তানৰ পৃষ্ঠপোষকতাত আক্ৰমণৰ সন্মুখীন হ’ল: হৰিশ

তেওঁ কয়, ‘ভাৰতে দশক দশক ধৰি নিজৰ সীমান্তত পাকিস্তানৰ পৃষ্ঠপোষকতাত সন্ত্ৰাসবাদী আক্ৰমণৰ সন্মুখীন হৈ আহিছে’।

‘ইয়াৰ ভিতৰত আছে মুম্বাই চহৰত ২৬/১১ৰ ভয়ানক আক্ৰমণৰ পৰা আৰম্ভ কৰি ২০২৫ চনৰ এপ্ৰিল মাহত পহলগামত নিৰীহ পৰ্যটকৰ নিৰ্মম গণহত্যালৈকে।’

হৰিশে লগতে কয়, ‘পাকিস্তানী সন্ত্ৰাসবাদৰ বলি হোৱা লোকসকল মূলতঃ সাধাৰণ নাগৰিক হৈ আহিছে কাৰণ তেওঁলোকৰ লক্ষ্য হৈছে আমাৰ সমৃদ্ধি, প্ৰগতি আৰু মনোবলক আক্ৰমণ কৰা’।

‘আনকি এনে এখন দেশে নিজৰ নাগৰিকৰ সুৰক্ষা সম্পৰ্কীয় আলোচনাতো অংশ লোৱাটো আন্তৰ্জাতিক সমাজৰ বাবে অপমানজনক’।

পাকিস্তানে সাধাৰণ নাগৰিকক ঢাল হিচাপে ব্যৱহাৰ কৰিছিল: ভাৰত

তেওঁ কয় যে পাকিস্তানে সন্ত্ৰাসবাদৰ প্ৰচাৰৰ বাবে বাৰে বাৰে সাধাৰণ নাগৰিকৰ ঢাল হিচাপে ব্যৱহাৰ কৰি আহিছে।পি হৰিশে কয়, ‘শেহতীয়াকৈ আমি পাকিস্তানৰ চৰকাৰী, আৰক্ষী আৰু সামৰিক বিষয়াসকলক অপাৰেচন সিন্দূৰত মৃত্যু হোৱা সন্ত্ৰাসবাদীৰ অন্ত্যেষ্টিক্ৰিয়াত অংশগ্ৰহণ কৰা দেখিলোঁ’।

‘যিখন দেশে সন্ত্ৰাসবাদী আৰু নাগৰিকৰ মাজত কোনো পাৰ্থক্য নকৰে, তেওঁলোকৰ ওচৰত নাগৰিকৰ সুৰক্ষাৰ কথা কোৱাৰ কোনো অধিকাৰ নাই’।

লগতে পঢ়ক:Tech কোম্পানীসমূহৰ ওপৰত ট্ৰাম্পৰ মোক্ষম আঘাত; আমেৰিকাৰ বাহিৰত নিৰ্মিত আইফোনত ২৫% শুল্ক আৰোপ

PAK জেনেৰেলৰ ভাবুকি 

পাকিস্তানৰ সামৰিক মুখপাত্ৰ লেফটেনেণ্ট জেনেৰেল আহমেদ শ্বৰীফ চৌধাৰীয়ে এইবাৰ ভাৰতৰ বিৰুদ্ধে বিষ বিয়পাইছে।ভাৰত সন্দৰ্ভত তেওঁৰ শেহতীয়া ভাষণ সন্ত্ৰাসবাদী হাফিজ ছাইদৰ ভাষণৰ সৈতে সাদৃশ্য আছে।

২০০৮ চনৰ ২৬ নৱেম্বৰত মুম্বাইত সংঘটিত একাধিক সন্ত্ৰাসবাদী আক্ৰমণৰ মাষ্টাৰমাইণ্ড হাফিজ ছাইদৰ ভাৰত আৰু আমেৰিকাৰ বিৰুদ্ধে উত্তেজনামূলক ভাষণ দিয়াৰ ইতিহাস আছে।

পাকিস্তানী সেনাবাহিনীৰ ‘আন্তঃসেৱা জনসংযোগ’ৰ অপপ্ৰচাৰ শাখাৰ ডি জি (আই এছ পি আৰ ডি জি) আহমেদ শ্বৰীফ চৌধৰীয়ে শেহতীয়াকৈ পাকিস্তানৰ এখন বিশ্ববিদ্যালয়ত দিয়া ভাষণৰ সময়ত ভাৰত বিৰোধী বাক্যবাণ কৰিছে।

পহলগাম সন্ত্ৰাসবাদী আক্ৰমণৰ পিছত ভাৰতে সিন্ধু জল সন্ধি স্থগিত ৰখাৰ কথা উল্লেখ কৰি চৌধাৰীয়ে ক’লে, ‘আপোনালোকে আমাৰ পানী বন্ধ কৰিলে আমি আপোনালোকৰ উশাহ বন্ধ কৰি দিম।’

ভাৰত আৰু পাকিস্তানৰ মাজত সিন্ধু জল সন্ধি আৰু ছাটলেজ, বিয়াছ, ৰবি, ঝেলুম আৰু চেনাব নদীৰ পানী ভাগ-বতৰা আৰু পৰিচালনাৰ চৰ্তসমূহৰ সৈতে জড়িত।এই সন্ধিৰ জৰিয়তে ভাৰত আৰু পাকিস্তানৰ মাজত নিয়মীয়াকৈ তথ্য বিনিময়ৰ নিৰ্দেশ দিয়া হৈছে।

২২ এপ্ৰিলত পহলগাম সন্ত্ৰাসবাদী আক্ৰমণৰ পিছত ভাৰতে সিন্ধু জল সন্ধি স্থগিত ৰখাৰ বাবেই পাকিস্তানত এতিয়া PAK জেনেৰেলৰ ভাৰতলৈ ভাবুকি দিছে। কিন্তু PAK জেনেৰেলৰ ভাবুকি ক লৈ কোনো উত্তৰ দিয়া নাই ভাৰতে।

লগতে পঢ়ক: ‘শুনা পাকিস্তান! কথা পাতিম কিন্তু…’; সিন্ধু চুক্তি আৰু PoK ক লৈ বৈদেশিক মন্ত্ৰালয়ে দিলে প্ৰত্যুত্তৰ

PAK ক সমৰ্থন তুৰস্কৰ

শেহতীয়াকৈ ভাৰতৰ বৈদেশিক মন্ত্ৰীয়ে আফগানিস্তানৰ ভাৰপ্ৰাপ্ত বৈদেশিক মন্ত্ৰীৰ সৈতে ফোনযোগে কথা পাতিছিল ।

অপাৰেচন সিন্দূৰৰ সময়ত তুৰস্কই পাকিস্তানক সমৰ্থন কৰিছিল, তাৰ পিছতেই সমগ্ৰ বিশ্বতে বিতৰ্কৰ সূচনা হৈছিল যে কেনেকৈ কোনো সন্ত্ৰাসবাদীক ইমান মুকলিকৈ সমৰ্থন কৰিব পাৰে ।

এই সন্দৰ্ভত এতিয়া ভাৰত চৰকাৰেও প্ৰশ্ন উত্থাপন কৰিছে । ভাৰতে বৃহস্পতিবাৰে কয় যে তুৰস্কই পাকিস্তানক সীমা অতিক্ৰম কৰি সন্ত্ৰাসবাদৰ সমৰ্থন বন্ধ কৰিবলৈ ক’ব বুলি আশা কৰিছে । লগতে সন্ত্ৰাসবাদী কাৰ্যকলাপৰ বিৰুদ্ধে কঠোৰ ব্যৱস্থা গ্ৰহণ কৰিব ।

PAK ক সমৰ্থন তুৰস্কৰ-

বৈদেশিক মন্ত্ৰালয়ৰ মুখপাত্ৰ ৰনধীৰ জয়ছৱালে বৃহস্পতিবাৰে কয় যে, ‘আমি আশা কৰিছো যে তুৰস্কই পাকিস্তানৰ পৰা সীমা অতিক্ৰম কৰি সন্ত্ৰাসবাদক দিয়া সমৰ্থন বন্ধ কৰিবলৈ দাবী জনাব আৰু দশক দশক ধৰি লালন-পালন কৰি অহা সন্ত্ৰাসবাদীসকলৰ বিৰুদ্ধে বিশ্বাসযোগ্য ব্যৱস্থা গ্ৰহণ কৰিব ।’ তেওঁ আৰু কয়, ‘ইজনে সিজনৰ চিন্তাৰ প্ৰতি সংবেদনশীলতাৰ ভিত্তিত সম্পৰ্ক গঢ় লৈ উঠে ।’

তেওঁ স্পষ্ট শব্দৰে কয় যে “যি দেশসমূহে সন্ত্ৰাসবাদক প্ৰসাৰিত কৰিছে, তেওঁলোকক জবাবদিহি কৰা আৰু আন্তঃৰাষ্ট্ৰীয় মঞ্চত উন্মোচন কৰাটো গুৰুত্বপূৰ্ণ।”

লগতে পঢ়ক; অপাৰেচন সিন্দুৰ, আগবাঢ়িছে ভাৰতৰ কূটনৈতিক অভিযান… ইউ এ ই আৰু জাপানত উপস্থিত প্ৰতিনিধি দল