ভাৰতৰ প্ৰবীণ স্পানাৰ ৰবিচন্দ্ৰন অশ্বিনে আন্তঃৰাষ্ট্ৰীয় ক্ৰিকেটৰ পৰা অৱসৰ লোৱাৰ সিদ্ধান্তৰ কথা ঘোষণা কৰিছে । গাব্বা টেষ্টৰ পিছত সংবাদমেলত এই কথা তেওঁ ঘোষণা কৰে । অধিনায়ক ৰোহিত শৰ্মাৰ সৈতে সংবাদমেলত উপস্থিত হৈ এই ঘোষণা কৰে অশ্বিনে । অৱসৰৰ পূৰ্বে অশ্বিনক বিৰাট কোহলীৰ সৈতে ড্ৰেছিং ৰুমত বহি থকা দেখা গৈছিল । এই সময়ত কোহলীয়ে তেওঁক সাৱটি ধৰাও পৰিলক্ষিত হয় । এডিলেইড দিবা-নৈশ টেষ্টত টিম ইণ্ডিয়াৰ অংশ আছিল অশ্বিন ।
৩৮ বছৰীয়া এই স্পীনাৰগৰাকীয়ে ভাৰতৰ হৈ বহু অভিলেখ গঢ়িবলৈ সক্ষম হৈছে । টেষ্টত সৰ্বকালৰ আগশাৰীৰ উইকেট দখলকাৰীৰ ভিতৰত তেওঁ সপ্তম স্থানত আছে । ১০৬খন টেষ্টত অশ্বিনৰ ৫৩৭টা উইকেট আছে । তেওঁৰ শ্ৰেষ্ঠ বলিং হৈছে ৫৯ ৰানত ৭ উইকেট । এই সময়ছোৱাত তেওঁৰ গড় ২৪.০০ আৰু ষ্ট্ৰাইক ৰেট ৫০.৭৩ । অনিল কুম্বলেৰ পিছতে ভাৰতীয়ৰ ভিতৰত টেষ্ট ক্ৰিকেটত দ্বিতীয় সৰ্বাধিক উইকেট দখলকাৰী অশ্বিন । কুম্বলেই তেওঁৰ নামত ৬১৯টা টেষ্ট উইকেট লাভ কৰিছিল । অশ্বিনৰ এই ঘোষণা আচৰিত কাৰণ ভাৰতৰ ভূমিত ভাৰতীয় স্পিন আক্ৰমণৰ শক্তি আছিল তেওঁ । অষ্ট্ৰেলিয়া ভ্ৰমণলৈ গৈ হঠাতে অৱসৰ লোৱাৰ সিদ্ধান্ত লোৱাটো আশ্চৰ্যকৰ ।
টেষ্টত অশ্বিনে ৩৭বাৰ পাঁচ উইকেট দখল কৰিছে, যিটো ভাৰতীয় যিকোনো বলাৰৰ সৰ্বাধিক । তাৰ পিছে পিছে আহে কুম্বলে । টেষ্টত ৩৫ বাৰ এটা ইনিংছত ৫টা উইকেট দখল কৰিছে কুম্বলেই । এটা ইনিংছত সৰ্বাধিক উইকেট দখল কৰাৰ অভিলেখ শ্ৰীলংকাৰ মুথিয়া মুৰালিধৰণৰ হাতত আছে । তেওঁ ৬৭ বাৰ এই কাম কৰিছিল । শ্বেন ৱাৰ্ণৰ সৈতে যৌথভাৱে দ্বিতীয় স্থানত আছে অশ্বিন ।
টেষ্ট ক্ৰিকেটত অশ্বিনৰ অভিলেখ-
বলিং- ১০৬খন টেষ্ট, ৫৩৭ উইকেট, ইনিংছত শ্ৰেষ্ঠ বলিং ৭/৫৯, মেচত শ্ৰেষ্ঠ বলিং ১৩/১৪০, গড় ২৪.০০
বেটিং- ১০৬খন টেষ্ট, ১৫১ ইনিংছ, ৩৫০৩ ৰান, সৰ্বোচ্চ ১২৪, গড় ২৫.৭৫
অশ্বিনৰ এদিনীয়া ক্ৰিকেটত অভিলেখ-
বলিং : ১১৬ খন মেচ, ১৫৬ টা উইকেট, শ্ৰেষ্ঠ বলিং ৪/২৫, গড় ৩৩.২০
বেটিং : ১১৬খন মেচ, ৬৩ টা ইনিংছ, ৭০৭ ৰান, সৰ্বোচ্চ ৬৫, গড় ১৬.৪৪
টি-২০ আন্তঃৰাষ্ট্ৰীয় ক্ৰিকেটত অশ্বিনৰ অভিলেখ-
বলিং : ৬৫ খন মেচ, ৭২ উইকেট, শ্ৰেষ্ঠ বলিং ৪/৮, ২৩.২২ গড়
বেটিং : ৬৫খন মেচ, ১৯ টা ইনিংছ, ১৮৪ ৰান, সৰ্বোচ্চ ৩১*, গড় ২৬.২৮
অশ্বিনৰ টেষ্ট শতক-
১০৩ ৰান বনাম ৱেষ্ট ইণ্ডিজ, মুম্বাই, ২০১১
১২৪ ৰান বনাম ৱেষ্ট ইণ্ডিজ, কলকাতা, ২০১৩
১১৩ ৰান বনাম ৱেষ্ট ইণ্ডিজ, নৰ্থ চাউণ্ড, ২০১৬
১১৮ ৰান বনাম ৱেষ্ট ইণ্ডিজ, ছেইণ্ট লুচিয়া, ২০১৬
১০৬ ৰান বনাম ইংলেণ্ড, চেন্নাই, ২০২১
১১৩ ৰান বনাম বাংলাদেশ, চেন্নাই, ২০২৪
