বৈঠকত মিলিত হ’ব ট্ৰাম্প আৰু পুটিন
১৫ আগষ্টত আলাস্কাত ৰাছিয়াৰ ৰাষ্ট্ৰপতি ভ্লাদিমিৰ পুটিনক সাক্ষাৎ কৰিব আমেৰিকাৰ ৰাষ্ট্ৰপতি ড’নাল্ড ট্ৰাম্পে।ট্ৰাম্পে নিজৰ ছ’চিয়েল মিডিয়া প্লেটফৰ্ম ‘ট্ৰুথ ছ’চিয়েল’ত এই তাৰিখ আৰু স্থান ঘোষণা কৰে।
তেওঁ কৈছিল যে এই বৈঠক আগতে হ’ব পাৰিলেহেঁতেন, কিন্তু “নিৰাপত্তাৰ ব্যৱস্থা”ৰ বাবে তাৰিখ পিছুৱাই দিয়া হয়।
ট্ৰাম্পে লিখিছে যে, ‘মই, আমেৰিকাৰ ৰাষ্ট্ৰপতি আৰু ৰাছিয়াৰ ৰাষ্ট্ৰপতি ভ্লাদিমিৰ পুটিন, অহা শুকুৰবাৰে (১৫ আগষ্ট, ২০২৫) মহান ৰাজ্য আলাস্কাত লগ হ’ম। অধিক তথ্য শীঘ্ৰে প্ৰদান কৰা হ’ব। এই বিষয়টো চোৱাৰ বাবে ধন্যবাদ!’
২০২১ চনৰ পিছত এইখন হ’ব আমেৰিকা-ৰাছিয়াৰ প্ৰথমখন শীৰ্ষ সন্মিলন।প্ৰাক্তন ৰাষ্ট্ৰপতি জো বাইডেনে ৰাছিয়াৰ ৰাষ্ট্ৰপতি গৰাকীক শেষবাৰৰ বাবে জেনেভাত সাক্ষাৎ কৰিছিল ।
এই বৈঠকখন ইউক্ৰেইন যুদ্ধৰ অন্ত পেলোৱাৰ বাবে ট্ৰাম্পে চলোৱা প্ৰচেষ্টাৰ বাবে গুৰুত্বপূৰ্ণ হ’ব।অৱশ্যে মস্কো আৰু কিয়ভৰ শান্তিৰ পৰিস্থিতিৰ মাজত এতিয়াও ডাঙৰ পাৰ্থক্য আছে।বিগত সময়তো বহু স্তৰত দুয়োখন দেশৰ মাজত আলোচনা বিফল হৈছে।
লগতে পঢ়ক: ট্ৰাম্পৰ সৈতে উত্তেজনাৰ মাজতে প্ৰধানমন্ত্ৰী মোদীয়ে পুটিনৰ সৈতে পাতিলে কথা…
