বৃহস্পতিবাৰে কংগ্ৰেছৰ জ্যেষ্ঠ নেতা পি চিদাম্বৰমে INDIA ব্লকৰ বৰ্তমান পৰিস্থিতিক লৈ গুৰুতৰ উদ্বেগ প্ৰকাশ কৰি কয় যে, এই মিত্ৰতা এতিয়াও সম্পূৰ্ণৰূপে একত্ৰিত হৈ আছে নে নাই সেই বিষয়ে তেওঁ নিশ্চিত নহয়।তেওঁ কয় যে ইয়াক “মাজতে ফাটি যোৱা” অৰ্থাৎ ই বিভাজিত হোৱা যেন লাগে।
এটা অনুষ্ঠানত কংগ্ৰেছৰ জ্যেষ্ঠ নেতা গৰাকীয়ে কৈছে যে, ‘মৃত্যুঞ্জয় সিং যাদৱে কোৱাৰ দৰে ইণ্ডিয়া মিত্ৰতাৰ ভৱিষ্যত ইমান উজ্জ্বল নহয়’।
‘তেওঁলোকে অনুভৱ কৰে যে মিত্ৰতা এতিয়াও অক্ষত আছে, কিন্তু এই বিষয়ে মই নিশ্চিত নহয়।এইটো কেৱল ছলমান (খুৰছিদ)এ হে উত্তৰ দিব পাৰিব কিয়নো তেওঁ ইণ্ডিয়া মিত্ৰতাৰ বাবে আলোচনা কৰা দলটোৰ অংশ আছিল’।
‘যদি মিত্ৰতা সম্পূৰ্ণ অক্ষত থাকে তেন্তে মই বহুত সুখী হম।কিন্তু দেখা গৈছে যে ই দুৰ্বল হৈ পৰিছে।চিদাম্বৰমে আশা প্ৰকাশ কৰে যে মিত্ৰতাক এতিয়াও যোৰা লগাব পৰা যাব কাৰণ “এতিয়াও সময় আছে”।
চিদাম্বৰমে কয়, ‘মোৰ অভিজ্ঞতা আৰু ইতিহাসৰ অধ্যয়ন অনুসৰি, বিজেপিৰ দৰে শক্তিশালীভাৱে সংগঠিত কোনো ৰাজনৈতিক দল নাই’।
‘ই কেৱল এটা ৰাজনৈতিক দল নহয় বৰঞ্চ ই আন এটা যন্ত্ৰৰ পিছফালে এটা মেচিন আৰু ভাৰতৰ সকলো যন্ত্ৰপাতি দুটা মেচিনে নিয়ন্ত্ৰণ কৰে’।
‘নিৰ্বাচন আয়োগৰ পৰা আৰম্ভ কৰি দেশৰ আটাইতকৈ সৰু থানালৈকে সকলো নিয়ন্ত্ৰণ কৰিব পাৰে।এনে শক্তিসমূহে গণতন্ত্ৰত যিমান পাৰি নিয়ন্ত্ৰণ বিচাৰে।’
