ছেম ভাৰবেকে দখল কৰিলে মিক্সড ডাবলছৰ খিতাপ
২০২৫ চনৰ উইম্বলডন টেনিছ প্ৰতিযোগিতাৰ মিক্সড ডাবলছৰ ফাইনেলত ১০ বাৰৰ গ্ৰেণ্ড শ্লেম মহিলা ডাবলছ চেম্পিয়ন আৰু প্ৰবীণ টেনিছ খেলুৱৈ কেটেৰিনা চিনিয়াকোভাই ডাচ সংগী ছেম ভাৰবেকৰ সৈতে দুৰ্দান্ত প্ৰদৰ্শন আগবঢ়ায়।
এই যুটিটোয়ে লুইছা ষ্টেফানী আৰু জো চেলিছবেৰীৰ শক্তিশালী যুটিক ষ্ট্ৰেইট ছেটত ৭-৬ (৭-৩), ৭-৬ (৭-৩) ত পৰাস্ত কৰি সন্মানীয় খিতাপ লাভ কৰে।
১০ জুলাইত চেণ্টাৰ ক’ৰ্টত খেলা এই মেচখনত দুয়োটা ছেট অতি ৰোমাঞ্চকৰ আছিল।দুয়োটা ছেট টাই ব্ৰেকলৈ গৈছিল যদিও প্ৰতিবাৰেই চিনিয়াকোভা আৰু ভাৰবেকৰ যুটিয়ে ভাল প্ৰদৰ্শন কৰিছিল আৰু গুৰুত্বপূৰ্ণ মুহূৰ্তত বিজয়ী হয়।
ফাইনেল খেলখনো দৰ্শনীয় ৰূপত সমাপ্ত হয়, যেতিয়া ছিনিয়াকোভাই প্ৰথম মেচ পইণ্টতে এটা উজ্জ্বল ফৰহেণ্ড বিজয়ীৰে খিতাপৰ মেচখন শেষ কৰিছিল।
ইয়াৰ জৰিয়তে তেওঁ আকৌ এবাৰ দেখুৱাই দিলে যে ডাবলছ ফৰ্মেটত তেওঁক কিয় বিশ্বৰ শ্ৰেষ্ঠ খেলুৱৈৰ ভিতৰত গণ্য কৰা হয়।
ছিনিয়াকোভাৰ বাবে এইটো আন এক ডাঙৰ কৃতিত্ব যদিও, ডাচ খেলুৱৈ ছেম ভাৰবেকৰ বাবে এইটো আছিল তেওঁৰ কেৰিয়াৰৰ প্ৰথমটো গ্ৰেণ্ড শ্লেম খিতাপ।
ফাইনেলত জয়লাভ কৰাৰ পিছত ছেম ভাৰবেকে চেণ্টাৰ ক’ৰ্টত পিতৃক জন্মদিনৰ গীত গাই আৱেগিকভাৱে উদযাপন কৰে।
লগতে পঢ়ক: শুভমান গিলৰ অধিনায়কত্বৰ অনুৰাগী হ’ল শচীন টেণ্ডুলকাৰ; কৰিলে বিশেষ মন্তব্য
