২০২৫ চনৰ অষ্ট্ৰেলিয়ান অ’পেনত আলোড়নৰ সৃষ্টি কৰিছে ইটালীৰ তাৰকা টেনিছ খেলুৱৈ জানিক ছিনাৰে । দেওবাৰে (২৬ জানুৱাৰী) পুৰুষৰ একক ফাইনেলত তেওঁ জাৰ্মানীৰ আলেকজেণ্ডাৰ ঝভেৰেভক ষ্ট্ৰেইট ছেটত ৬-৩, ৭-৬ (৪), ৬-৩ ব্যৱধানত পৰাস্ত কৰে । দুয়োগৰাকী তাৰকাৰ মাজত এই চূড়ান্ত খেলখন ২ ঘণ্টা ৪২ মিনিট ধৰি চলিছিল ।

বিগত ১৩ মাহত বিশ্বৰ ১ নম্বৰ ছিনাৰৰ এয়া তৃতীয়টো গ্ৰেণ্ড শ্লেম খিতাপ । ২০২৪ চনৰ অন্তিমখন অষ্ট্ৰেলিয়ান অ’পেনত তেওঁ চেম্পিয়ন হৈছিল । ইয়াৰ পিছত তেওঁ ইউ এছ অ’পেন ২০২৪ খিতাপ দখল কৰে । এতিয়া ছিনাৰে নিজৰ অষ্ট্ৰেলিয়ান অ’পেনৰ খিতাপ ৰক্ষা কৰিছে ।

আনহাতে, বিশ্বৰ ২ নম্বৰ স্থানৰ আলেকজেণ্ডাৰ ঝভেৰেভ, যাৰ গ্ৰেণ্ড শ্লেম খিতাপ জয়ৰ সপোন আকৌ এবাৰ ছিন্নভিন্ন হৈ পৰিছে । ২০১৫ চনৰ পৰা গ্ৰেণ্ড শ্লেম প্ৰতিযোগিতাত অংশগ্ৰহণ কৰি আহিছে তেওঁ । এই সময়ছোৱাত তেওঁ তিনিবাৰ (বৰ্তমানৰ খেলখনকে ধৰি) ফাইনেল খেলিছে যদিও প্ৰতিবাৰেই হতাশাৰ সন্মুখীন হৈছে ।

৩খন ফাইনেল খেলি তিনিওবাৰেই খিতাপ দখল কৰে ছিনাৰে-

ইয়াৰ পূৰ্বেও ছিনাৰে অষ্ট্ৰেলিয়ান অ’পেন ২০২৪ খিতাপ দখল কৰিছিল । সেয়া আছিল তেওঁৰ কেৰিয়াৰৰ প্ৰথম গ্ৰেণ্ড শ্লেম । তাৰ পাছত ছিনাৰে ফাইনেলত ৰাছিয়াৰ ডেনিছ মেডভেডেভক ৩-৬, ৩-৬, ৬-৪, ৬-৪, ৬-৩ ব্যৱধানত পৰাস্ত কৰে ।

এইবাৰ ছিনাৰে পুনৰ আলোড়নৰ সৃষ্টি কৰি দ্বিতীয়বাৰৰ বাবে গ্ৰেণ্ড শ্লেমৰ খিতাপ দখল কৰে । বছৰৰ শেষৰখন গ্ৰেণ্ড শ্লেম প্ৰতিযোগিতাত ছিনাৰে এই কৃতিত্ব অৰ্জন কৰিছিল । ইয়াৰ উপৰিও তেওঁ ইউ এছ অ’পেন ২০২৪ খিতাপ দখল কৰে । ইয়াৰ পিছতে ছিনাৰে ফাইনেলত টেইলৰ ফ্ৰিট্জক ৬-৩, ৬-৪, ৭-৫ ব্যৱধানত পৰাস্ত কৰে ।

২৩ বছৰীয়া ছিনাৰে এতিয়ালৈকে তিনিবাৰকৈ গ্ৰেণ্ড শ্লেমৰ ফাইনেলত প্ৰৱেশ কৰি তিনিওবাৰেই খিতাপ দখল কৰিছে । যোৱা বছৰৰ আৰম্ভণিতে ফ্ৰেন্স অ’পেনৰ ছেমি ফাইনেলত পৰাস্ত হোৱাৰ পিছত তেওঁ বাহিৰ হৈছিল । ২০২৩ চনৰ উইম্বলডনৰ ছিজনত তেওঁ ছেমি ফাইনেল খেলিছিল আৰু একেটা ৰাউণ্ডতে পৰাস্ত হৈছিল ।

এতিয়াও গ্ৰেণ্ড শ্লেমৰ খিতাপ জয় কৰিব পৰা নাই ঝভেৰেভে-

২৭ বছৰীয়া ঝভেৰেভে এতিয়ালৈকে কোনো গ্ৰেণ্ড শ্লেম খিতাপ দখল কৰিব পৰা নাই । ২০১৫ চনত উইম্বলডনত প্ৰথমখন গ্ৰেণ্ড শ্লেম প্ৰতিযোগিতা খেলিছিল তেওঁ । তেতিয়াৰ পৰাই তেওঁ অবিৰতভাৱে গ্ৰেণ্ড শ্লেম প্ৰতিযোগিতা খেলি আহিছে যদিও এবাৰো চেম্পিয়ন হোৱা নাই ।

ঝভেৰেভে এতিয়ালৈকে তিনিবাৰকৈ যিকোনো গ্ৰেণ্ড শ্লেমৰ ফাইনেল খেলিছে । কিন্তু তিনিওবাৰেই হতাশ হৈছে । ২০২৪ চনৰ ফ্ৰেন্স অ’পেনৰ ফাইনেলতো ঝভেৰেভে খেলিছিল, য’ত তেওঁ কাৰ্লোছ আলকাৰাজৰ হাতত পৰাস্ত হৈছিল । আনহাতে ঝভেৰেভে ২০২০ চনৰ ইউ এছ অ’পেনৰ ফাইনেলতো খেলিছে । তাৰ পিছত ডমিনিক থিমৰ হাতত পৰাস্ত হয় ।

বছৰৰ প্ৰথমখন গ্ৰেণ্ড শ্লেম প্ৰতিযোগিতা অষ্ট্ৰেলিয়ান অ’পেন ২০২৫ত মঙলবাৰে (২১ জানুৱাৰী) এক ৰোমাঞ্চকৰ কোৱাৰ্টাৰ ফাইনেল মেচ অনুষ্ঠিত হয় । য’ত ছাৰ্বিয়াৰ ন’ভাক জ’কভিচে স্পেইনৰ কাৰ্লোছ আলকাৰাজ গাৰ্ফিয়াৰ সৈতে সংঘৰ্ষত লিপ্ত হয় । য’ত জ’কভিচে বিশ্বৰ ৩ নম্বৰ আলকাৰাজক ৪-৬, ৬-৪, ৬-৩, ৬-৪ ব্যৱধানত পৰাস্ত কৰে ।

৩৭ বছৰীয়া জ’কভিচৰ বাবে ২১ বছৰীয়া যুৱক আলকাৰাজৰ সৈতে প্ৰতিযোগিতা কৰাটো সহজ নাছিল । প্ৰথম ছেটতে তেওঁ ৪-৬ ব্যৱধানত পৰাজয়ৰ সন্মুখীন হ’বলগীয়া হৈছিল । ইয়াৰ পিছত জ’কভিচে শক্তিশালী প্ৰত্যাৱৰ্তন কৰি একেৰাহে ৩টা ছেটত জয়লাভ কৰি মেচখনত জয়ী হয় । দুয়োগৰাকী খেলুৱৈৰ মাজত এই খেলখন ৩ ঘণ্টা ৩৭ মিনিট ধৰি চলিছিল ।

এই জয়ৰ জৰিয়তে জ’কভিচে ছেমি ফাইনেলত প্ৰৱেশ কৰিছে । ২৪ জানুৱাৰীত অনুষ্ঠিত হ’বলগীয়া এই মেচখনত জ’কভিচে বিশ্বৰ ২ নম্বৰ স্থানৰ জাৰ্মানীৰ আলেকজেণ্ডাৰ ঝভেৰেভৰ সৈতে মুখামুখি হ’ব । কোৱাৰ্টাৰ ফাইনেলত জয়লাভ কৰি জ’কভিচে টেনিছ জগতত নিজৰ আধিপত্য প্ৰতিষ্ঠা কৰিছে ।

জ’কভিচক অষ্ট্ৰেলিয়ান অ’পেনৰ ৰজা হিচাপে গণ্য কৰা হয় । তেওঁ এই অষ্ট্ৰেলিয়ান অ’পেন খিতাপ সৰ্বাধিক বাৰ অৰ্থাৎ পুৰুষৰ একক শাখাত ১০ বাৰ জয় কৰিছে । তেওঁৰ পিছতে মহিলাৰ একক শাখাত দ্বিতীয় নাম হৈছে ৭ বাৰ এই খিতাপ দখল কৰা ছেৰেনা উইলিয়ামছ । আলকাৰাজৰ বিৰুদ্ধে এই খেলখন সহজ নাছিল । এনে পৰিস্থিতিত এই বিজয়ে তেওঁৰ আধিপত্যৰ প্ৰতিফলন ঘটায় ।

ইতিহাস ৰচনা কৰাৰ সুযোগ আছে জ’কভিচৰ-

এ টি পি ৰেংকিঙত ৭ নম্বৰ স্থানত থকা জ’কভিচে বৰ্তমান (পুৰুষৰ মাজত) সৰ্বাধিক ২৪টা গ্ৰেণ্ড শ্লেম খিতাপ দখল কৰা খেলুৱৈ । এইবাৰ যদি তেওঁ অষ্ট্ৰেলিয়ান অ’পেনৰ খিতাপ দখল কৰে তেন্তে তেওঁ ইতিহাসৰ সৃষ্টি কৰিব । তেওঁ টেনিছ জগতৰ (পুৰুষ আৰু মহিলা) সৰ্বাধিক ২৫ টা গ্ৰেণ্ড শ্লেম জয় কৰা একমাত্ৰ খেলুৱৈ হিচাপে পৰিগণিত হ’ব ।

অষ্ট্ৰেলিয়াৰ প্ৰাক্তন মহিলা টেনিছ খেলুৱৈ মাৰ্গাৰেট ক’ৰ্টেও ২৪টা গ্ৰেণ্ড শ্লেম খিতাপ দখল কৰিছে । এনে পৰিস্থিতিত জ’কভিচে অষ্ট্ৰেলিয়ান অ’পেনত জয়লাভ কৰি মাৰ্গাৰেটক পৰাস্ত কৰি ইতিহাসৰ সৃষ্টি কৰিব । পুৰুষৰ ভিতৰত দ্বিতীয় স্থানত আছে স্পেইনৰ ৰাফেল নাডাল, যিয়ে ২২টা গ্ৰেণ্ড শ্লেম খিতাপ দখল কৰিছে ।