জৱাহৰলাল নেহৰু বিশ্ববিদ্যালয়
জৱাহৰলাল নেহৰু বিশ্ববিদ্যালয়ত এতিয়াৰে পৰা ‘উপাচাৰ্য’ৰ সলনি থাকিব ‘কুলগুৰু’ । বিশ্ববিদ্যালয়খনে ভাইচ চেন্সেলৰৰ হিন্দী নাম ‘কুলপতি’ৰ ঠাইত ‘কুলগুৰু’লৈ সলনি কৰাৰ সিদ্ধান্ত গ্ৰহণ কৰিছে । উপাচাৰ্যৰ পদক ‘লিংগ নিৰপেক্ষ’ কৰাৰ বাবে এই সিদ্ধান্ত লোৱা হৈছে । এই তথ্য JNU ৱৰ্কিং কাউন্সিলৰ বৈঠকৰ সময়ত লোৱা হৈছে । এই পৰিৱৰ্তনৰ পৰামৰ্শ আগবঢ়াইছিল জে এন ইউৰ উপাচাৰ্য শান্তিশ্ৰী ধুলিপুডী পণ্ডিতে । এতিয়া ডিগ্ৰী আৰু অন্যান্য শৈক্ষিক নথি-পত্ৰতো ‘কুলপতি’ৰ সলনি ‘কুলগুৰু’ ব্যৱহাৰ কৰা হ’ব ।
এক উল্লেখযোগ্য পদক্ষেপ গ্ৰহণ কৰি জৱাহৰলাল নেহৰু বিশ্ববিদ্যালয়ে হিন্দী শব্দ “কুলপতি” (অৰ্থাৎ কোনো পৰিয়াল বা প্ৰতিষ্ঠানৰ মুৰব্বী)ৰ ঠাইত “কুলগুৰু” (অৰ্থ শিক্ষক) উপাচাৰ্যৰ আনুষ্ঠানিক পদবী হিচাপে লোৱাৰ সিদ্ধান্ত লৈছে । এই পৰিৱৰ্তনৰ লক্ষ্য হৈছে উপাচাৰ্যৰ পদক অধিক লিংগ নিৰপেক্ষ কৰি তোলা । এই তথ্য কাৰ্যবাহী পৰিষদৰ বৈঠকৰ সময়ত লোৱা হয় । ফেব্ৰুৱাৰী মাহত ৰাজ্য চৰকাৰে ৰাজস্থান বিশ্ববিদ্যালয় আইন (সংশোধনী) বিধেয়ক, ২০২৫ উত্থাপন কৰা ৰাজস্থানতো একেধৰণৰ পদক্ষেপৰ পিছতে জৱাহৰলাল নেহৰু বিশ্ববিদ্যালয়ত এই সিদ্ধান্ত লোৱা হৈছে । প্ৰাচীন শৈক্ষিক পৰম্পৰাৰ লগত খোজ মিলোৱাও এই পদক্ষেপৰ লক্ষ্য ।
ৰাজস্থানৰ বিশ্ববিদ্যালয়সমূহত ‘উপাচাৰ্য’ক ‘কুলগুৰু’ বুলি কোৱা হয় । এই সন্দৰ্ভত ২০২৫ চনৰ মাৰ্চ মাহত ৰাজস্থান বিধানসভাত এখন বিধেয়ক গৃহীত হৈছিল । উপ মুখ্যমন্ত্ৰী প্ৰেমচান্দ বাইৰৱাই কৈছিল যে এইটো কোনো পৰিৱৰ্তন নহয়, বৰঞ্চ গুৰুৰ গৌৰৱ ঘূৰাই অনাৰ প্ৰয়াসহে ।
লগতে পঢ়ক : ইউ পি এছ চিৰ ডাঙৰ সিদ্ধান্ত: নতুন এপ্লিকেচন পৰ্টেল মুকলি
