ইংলেণ্ডৰ বিৰুদ্ধে টেষ্ট ছিৰিজত যশপ্ৰিত বুমৰাহৰ কামৰ বোজা বিবেচনা কৰিলে ভাৰতীয় দল পৰিচালনাই এটা ডাঙৰ সিদ্ধান্ত ল’ব পাৰে।
ইংলেণ্ডৰ বিৰুদ্ধে পাঁচখন খেলৰ টেষ্ট শৃংখলাত ভাৰতীয় ক্ৰিকেট দলৰ বেগী বলাৰ যশপ্ৰীত বুমৰাহক উপ-অধিনায়কৰ ভূমিকা দিয়া নহ’ব।
এই শৃংখলাৰ পৰাই ভাৰতৰ পৰৱৰ্তী বিশ্ব টেষ্ট চেম্পিয়নশ্বিপ (WTC) অভিযান আৰম্ভ হ’ব।২০ জুনৰ পৰা ভাৰত আৰু ইংলেণ্ডৰ মাজত টেষ্ট শৃংখলা আৰম্ভ হোৱাৰ কথা আছে।
অষ্ট্ৰেলিয়াত ভাৰতৰ উপ-অধিনায়ক আৰু ষ্টেণ্ড ইন অধিনায়ক হিচাপে থকা বুমৰাহক এই শৃংখলাত কোনো ডাঙৰ দায়িত্ব দিয়া নহ’ব বুলি জানিব পৰা গৈছে।
জানিব পৰা মতে নিৰ্বাচকসকলে এনে এজন খেলুৱৈক অধিনায়ক আৰু উপ-অধিনায়ক হিচাপে ৰাখিব বিচাৰিছিল যিয়ে পাঁচখন টেষ্ট মেচতে খেলিব..এক প্ৰতিবেদন অনুসৰি বুমৰাহে পাঁচখন মেচ খেলিব নোৱাৰিব।
প্ৰতিবেদনত কোৱা হৈছে, ‘আমি এনে এজন খেলুৱৈ বিচাৰো যি পাঁচখন টেষ্ট মেচৰ বাবে উপলব্ধ হ’ব আৰু তেওঁক উপ-অধিনায়কৰ ভূমিকা দিয়া উচিত’।
‘বুমৰাহে পাঁচোখন মেচ খেলিব নোৱাৰিব, গতিকে আমি বেলেগ বেলেগ খেলৰ বাবে বেলেগ বেলেগ উপ-অধিনায়ক নিযুক্তি দিব নিবিচাৰো’।
প্ৰতিবেদনত কোৱা হৈছে যে নিৰ্বাচকসকলে এজন যুৱ খেলুৱৈক উপ-অধিনায়ক হিচাপে নিযুক্তি দিবলৈ আগ্ৰহী কাৰণ তেওঁ সম্ভাৱনাময়ভাৱে পৰৱৰ্তী অধিনায়ক হিচাপেও হ’ব পাৰে।
শুভমান গিল আৰু ঋষভ পন্ত দুয়োজনেই আই পি এলৰ অধিনায়ক হিচাপে দুটা বিকল্পৰ উন্মেষ ঘটিছে আৰু দলটোক ভালদৰে চলাবলৈ দুয়ো সক্ষম।
