জাপানত মহাবিনাশৰ ভৱিষ্যদ্বাণী
জাপানৰ লোকসকলৰ মাজত হাহাকাৰময় পৰিৱেশে বিৰাজ কৰিছে। ৫ জুলাইৰ লৈকে আতংকত জীৱন পাৰ কৰিছে দেশখনৰ জনসাধাৰণে।এই দিনটোক লৈ এতিয়া চৰ্চা আৰম্ভ হৈছে।
ইয়াৰ আঁৰৰ কাৰণ হৈছে এজন জাপানী শিল্পী তথা মনোবিজ্ঞানীৰ ভৱিষ্যদ্বাণী।এই ব্যক্তিজনে চলিত মাহত ৫ জুলাইত জাপানত এক বৃহৎ দুৰ্যোগ হ’ব বুলি ভৱিষ্যদ্বাণী কৰিছে।
এতিয়া এই ভৱিষ্যদ্বাণীক লৈ এক অদ্ভুত পৰিস্থিতিৰ সৃষ্টি হৈছে।পৰিস্থিতি এনেকুৱা যে মানুহে ভয় খাই যিকোনো ঠাইলৈ যাবলৈ দ্বিধাবোধ কৰে।
কোনে কৰিছে ভৱিষ্যদ্বাণী?
এই ভৱিষ্যদ্বাণী কৰা জাপানী শিল্পী তথা মনোবিজ্ঞানীজনৰ নাম হ’ল ৰিয়া তাস্তুকী ।মাংগা শিল্পী ৰিয়া তাস্তুকীক লগেৰিয়ান ভৱিষ্যদ্বাণী বাবা ভাংগাৰ সৈতে তুলনা কৰা হয়।
কাৰণ বাবা ভাংগাই বিশ্বব্যাপী পৰিঘটনা সম্পৰ্কে অতি সঠিক ভৱিষ্যদ্বাণী কৰিছিল বুলি বিশ্বাস কৰা হয়।এই ভৱিষ্যদ্বাণীসমূহৰ ভিতৰত ফ্ৰেডী মাৰ্কিউৰি আৰু ৰাজকুমাৰী ডায়েনাৰ মৃত্যুৰ পৰা আৰম্ভ কৰি ২০২০ চনৰ ক’ভিড-১৯ মহামাৰীলৈকে সকলো কথাই সন্নিবিষ্ট কৰা হৈছে।
এই ভৱিষ্যদ্বাণীক লৈ চৰ্চা
ৰিয়া তাস্তুকীৰ শেহতীয়া ভৱিষ্যদ্বাণীৰ কথা তেওঁৰ বেষ্ট চেলাৰ গ্রাফিক কমিক (মাংগা) “দ্য ফিউচাৰ আই ছ'”ৰ ২০২১ সংস্কৰণত উল্লেখ কৰা হৈছে।
ইয়াত তাস্তুকীয়ে ২০২৫ চনৰ ৫ জুলাইত জাপানলৈ আহিবলগীয়া এক ভয়াৱহ দুৰ্যোগৰ ইংগিত দিছে।এই তাৰিখটো এতিয়া আলোচনাৰ বিষয় হৈ পৰিছে।দেশখনৰ কেফে, বাৰ আৰু ৰাজহুৱা স্থান সকলোতে এতিয়া ইয়াকে লৈ চৰ্চা চলিছে। ইয়াৰ লগতে এই ভৱিষ্যদ্বাণীৰ সৈতে জড়িত বাৰ্তাসমূহ ছ’চিয়েল মিডিয়াটো দ্ৰুতগতিত বিয়পি পৰিছে।
ইতিমধ্যে সঁচা হৈছে ভৱিষ্যদ্বাণী
আটাইতকৈ গুৰুত্বপূৰ্ণ কথাটো হ’ল এই ভৱিষ্যদ্বাণীটো হুবহু একেই যিটো তাস্তুকীয়ে ১৯৯৯ চনত এই গ্রাফিক কমিকখনৰ প্রথম সংস্কৰণত কৰিছিল৷সেই সময়তো তাস্তুকীয়ে ২০১১ চনৰ মাৰ্চ মাহত এক ভয়াৱহ দুৰ্যোগৰ সতৰ্কবাণী দিছিল।
এইটো সেইটো তাৰিখেই আছিল যেতিয়া দেশখনত ভূমিকম্প আৰু ছুনামী হৈছিল।এই দুৰ্যোগত ১৮ হাজাৰৰো অধিক লোকৰ মৃত্যু হৈছিল।
এতিয়া এনে সময়ত তাত বসবাস কৰা বহু লোকে তাস্তুকীৰ নতুন ভৱিষ্যদ্বাণীৰ ওপৰত বহু পৰিমাণে নিৰ্ভৰ কৰিছে।
অৰ্থনীতিৰ ওপৰত প্ৰভাৱ পৰিছে
জাপানক লৈ কৰা ভৱিষ্যদ্বাণীৰ প্ৰভাৱ এতিয়া পৰ্যটন খণ্ডত দেখা গৈছে। এই ভৱিষ্যদ্বাণীৰ পিছতে দক্ষিণ কোৰিয়া, টাইৱান, হংকঙৰ দৰে দেশৰ পৰা বিমানৰ বুকিং হ্ৰাস পাইছে।
যোৱা বছৰৰ তুলনাত হংকঙৰ পৰা হোটেল আৰু বিমানৰ বুকিং ৫০ শতাংশ হ্ৰাস পাইছে। জুন মাহৰ শেষৰ পৰা জুলাই মাহৰ আৰম্ভণিৰ ভিতৰত ভ্ৰমণৰ বুকিং ৮৩ শতাংশ হ্ৰাস পাইছে।
লগতে পঢ়ক: হিটৱেভৰ কবলত ইউৰোপ; ৰেড এলাৰ্ট জাৰি
