ISRO এ নিয়োগ কৰিব মহাকাশৰ S400
ভাৰত চৰকাৰে এতিয়া মহাকাশত নিজৰ উপগ্ৰহৰ নিৰাপত্তা সুদৃঢ় কৰাৰ দিশত এক বৃহৎ পদক্ষেপ গ্ৰহণ কৰিবলৈ ওলাইছে।প্ৰধানমন্ত্ৰী নৰেন্দ্ৰ মোদী নেতৃত্বাধীন চৰকাৰে এনে পৰিকল্পনা কৰিছে,যাৰ অধীনত ‘বডিগাৰ্ড চেটেলাইট’ প্ৰস্তুত কৰা হ’ব।
যেনেকৈ S400 প্ৰতিৰক্ষা ব্যৱস্থাই স্থলভাগত নিক্ষেপ কৰা ক্ষেপণাস্ত্ৰৰ পৰা সুৰক্ষা প্ৰদান কৰে।একেদৰে ISROৰ এই উপগ্ৰহসমূহে মহাকাশত থকা ভাৰতীয় উপগ্ৰহসমূহক শত্ৰু দেশৰ প্ৰতিটো ভাবুকিৰ পৰা ৰক্ষা কৰিব।
দিশাত প্ৰস্তুতি তেতিয়া তীব্ৰতৰ হৈ পৰিল, যেতিয়া ২০২৪ চনৰ মাজভাগত ভাৰতীয় মহাকাশ গৱেষণা সংস্থা (ISRO)ৰ এটা উপগ্ৰহৰ পৰা মাত্ৰ ১ কিলোমিটাৰৰ ভিতৰত চুবুৰীয়া দেশৰ এটা উপগ্ৰহ আহিছিল।
এই উপগ্ৰহ ৫০০-৬০০ কিলোমিটাৰ উচ্চতাত কক্ষপথত আছিল আৰু মেপিং আৰু গ্ৰাউণ্ড মনিটৰিঙৰ দৰে সামৰিক কাৰ্য্যকলাপৰ সৈতে জড়িত কাম কৰি আছিল।অৱশ্যে এই সংঘৰ্ষ ৰোধ কৰা হৈছিল,কিন্তু এই ঘটনাটোক এটা ‘ক্ষমতাৰ প্ৰদৰ্শন’ বুলি গণ্য কৰা হৈছে।
চৰকাৰী সূত্ৰই প্ৰকাশ কৰিছে যে এই নতুন পদক্ষেপ ভাৰতৰ এক বিস্তৃত নিৰাপত্তা পৰিকল্পনাৰ অংশ হয়।ইয়াৰ অধীনত প্ৰায় ২.৭ লাখ কোটি টকা (৩ বিলিয়ন ডলাৰ) ব্যয় সাপেক্ষে ৫০ টা চোৱাচিতা উপগ্ৰহৰ বহৰ প্ৰস্তুত কৰা হ’ব।
এই উপগ্ৰহসমূহৰ ভিতৰত প্ৰথমটো উপগ্ৰহ অহা বছৰ উৎক্ষেপণ কৰিব পৰা যাব,যিয়ে ভাৰতৰ মহাকাশ ভিত্তিক চোৰাংচোৱাগিৰিৰ ক্ষমতা আৰু অধিক শক্তিশালী কৰিব।
ইয়াৰ উপৰিও ভাৰত চৰকাৰে ষ্টাৰ্টআপৰ সহযোগত নতুন প্ৰযুক্তিৰ ওপৰতো কাম কৰাৰ পৰিকল্পনা কৰিছে। ইয়াৰ ভিতৰত লাইট ডিটেকচন এণ্ড ৰেঞ্জিং (LiDAR) উপগ্ৰহ অন্তৰ্ভুক্ত, যিয়ে ভাবুকিসমূহ দ্ৰুতভাৱে চিনাক্ত কৰা আৰু পৃথিৱীৰ পৰা অপাৰেটৰসকলক অধিক সময়মতে সতৰ্কবাণী প্ৰদান কৰিব।
লগতে পঢ়ক: ‘একনাথ শিন্দেক শিৱসেনা লাহে লাহে বিজেপিৰ সৈতে একত্ৰিত হৈছে…;সাংসদ সঞ্জয় ৰাউতৰ ডাঙৰ মন্তব্য
