শান্তিদূত হ’ব পুটিন!
দীৰ্ঘদিন ধৰি যুদ্ধৰ জুইত জ্বলি আছে মধ্যপ্ৰাচ্য।ইজৰাইল আৰু ইৰাণৰ যুদ্ধই এই বিষয়টোক আৰু অধিক ইন্ধন যোগাইছে।বিগত ৪৮ ঘণ্টা ধৰি দুয়োখন দেশে ইখনে সিখনৰ ওপৰত মিছাইল নিক্ষেপ কৰি আহিছে।
ইফালে মধ্যপ্ৰাচ্যৰ বৰ্তমানৰ পৰিস্থিতি সন্দৰ্ভত ৰাছিয়াৰ ৰাষ্ট্ৰপতি ভ্লাদিমিৰ পুটিন আৰু আমেৰিকাৰ ৰাষ্ট্ৰপতি ডনাল্ড ট্ৰাম্পে ফোনতে আলোচনা কৰিছে।
ৰাছিয়াৰ ৰাষ্ট্ৰপতি কাৰ্যালয়ৰ ক্ৰেমলিনৰ এজন বিষয়া ইউৰি উছাকোভে কৈছে যে, ৰাছিয়াৰ ৰাষ্ট্ৰপতি আৰু ট্ৰাম্পে ৫০ মিনিট লৈকে কথা পাতিলে।
দুয়োগৰাকী নেতাৰ মাজত হোৱা এই কথা-বতৰা লাভজনক আছিল।এই সময়ত ইজৰাইল আৰু ইৰাণৰ মাজত চলি থকা যুদ্ধৰ ফলত মধ্যপ্ৰাচ্যৰ ওপৰত পৰিব লগীয়া বিপজ্জনক প্ৰভাৱৰো আলোচনা কৰা হয়।
উছাকোভে কয় যে এই সময়ছোৱাত পুটিনে ইজৰাইল আৰু ইৰাণৰ ৰাষ্ট্ৰপতিৰ সৈতে হোৱা আলোচনাৰ সবিশেষও ট্ৰাম্পক দিছিল।
পুটিনে ইৰাণৰ বিৰুদ্ধে ইজৰাইলৰ সামৰিক অভিযানক গৰিহণা দিছে আৰু এই যুদ্ধৰ পৰা উদ্ভৱ হোৱা উত্তেজনাক লৈ গভীৰ উদ্বেগ প্ৰকাশ কৰি কয় যে ইয়াৰ বোজা সমগ্ৰ মধ্যপ্ৰাচ্যই বহন কৰিব লাগিব।
পুটিনে যুদ্ধৰ তীব্ৰতা বৃদ্ধি আৰু সম্ভাৱ্য মধ্যস্থতাকাৰী প্ৰচেষ্টাত ৰাছিয়াই জড়িত হ’বলৈ ইচ্ছা প্ৰকাশ কৰাৰ ওপৰত গুৰুত্ব আৰোপ কৰে। তেওঁলোকে এই যুদ্ধ বন্ধ কৰিবলৈ সম্ভাৱ্য মধ্যস্থতাৰ ইচ্ছা প্ৰকাশ কৰে।
বৰ্তমানৰ পৰিস্থিতিকো চিন্তনীয় বুলি অভিহিত কৰি ট্ৰাম্পে কয় যে ইৰাণ পুনৰ আলোচনাৰ মেজলৈ ঘূৰি আহিবই লাগিব।
তেওঁ কয় যে আমেৰিকাৰ আলোচনাপন্থীৰ দলটো এই কথা-বতৰাৰ বাবে সাজু হৈছে আৰু তেওঁ ইৰাণৰ প্ৰতিনিধিৰ সৈতে আলোচনা কৰিব বিচাৰে।
কওঁ যে ট্ৰাম্পৰ সৈতে হোৱা এই কথা-বতৰাৰ সময়ত পুটিনে তেওঁক ৰাছিয়া আৰু ইউক্ৰেইনৰ প্ৰতিনিধিসকলৰ মাজত হোৱা চুক্তিৰ বিষয়েও তথ্য দিয়ে আৰু ২২ জুনৰ পিছত ইউক্ৰেইনৰ সৈতে আলোচনা কৰাৰ ইচ্ছা প্ৰকাশ কৰে।
লগতে পঢ়ক: ইৰাণক কঠোৰ সকিয়নী ড’নাল্ড ট্ৰাম্পৰ; ক’লে- যদি আক্ৰমণ কৰে তেন্তে…
