আপুনি জানেনে যে দৈত পোৱা সকলো পুষ্টিকৰ উপাদান স্বাস্থ্যৰ লগতে আপোনাৰ চুলিৰ বাবেও অতি উপকাৰী বুলি প্ৰমাণিত হ’ব পাৰে?
এতিয়া আৰু পাৰ্লাৰলৈ গৈ ব্যয়বহুল ৰাসায়নিক ভিত্তিক চুলিৰ যত্নতৰ বাবে ধন খৰচ কৰি দীঘল, ডাঠ আৰু ৰেচমী চুলি পাবলৈ প্ৰয়োজন নাই। দৈৰ পৰা হেয়াৰ পেক বনোৱাৰ অতি সহজ পদ্ধতিৰ বিষয়ে জানো আহক।
কেনেদৰে তৈয়াৰ কৰিব
দৈ হেয়াৰ পেক বনাবলৈ দৈ, এলোভেৰা জেল, অলিভ অইল আৰু মৌ ব্যৱহাৰ কৰিব পাৰি। প্ৰথমে এটা বাটিত এচামুচ দৈ লওক।
এতিয়া একেটা বাটিতে দুচামুচ এলোভেৰা জেল, এচামুচ অলিভ অইল আৰু এচামুচ মৌ উলিয়াই লওক।এই সকলোবোৰ প্ৰাকৃতিক বস্তু ভালদৰে মিহলাই মসৃণ পেষ্ট প্ৰস্তুত কৰিব লাগিব।
ব্যৱহাৰৰ সঠিক উপায়
এই হেয়াৰ পেকটো আপোনাৰ চুলিত লগাওক। এই সকলোবোৰ বস্তুত পোৱা পুষ্টিকৰ উপাদানে আপোনাৰ চুলিৰ স্বাস্থ্য বহু পৰিমাণে উন্নত কৰিব পাৰে।
ভাল ফলাফল পাবলৈ এই হেয়াৰ পেকটো ২০ মিনিটমান লগাই ৰাখিব লাগিব।২০ মিনিটৰ পিছত চুলিখিনি ধুব পাৰে। এই হেয়াৰ পেকটো আপুনি সপ্তাহত এবাৰ বা দুবাৰ ব্যৱহাৰ কৰিব পাৰে।
চুলিৰ বাবে হ’ব আশীৰ্বাদ
এই হেয়াৰ পেকৰ সহায়ত আপোনাৰ চুলিয়ে পুষ্টি লাভ কৰিব পাৰে। ইয়াৰ উপৰিও এই প্ৰাকৃতিক চুলিৰ পেকটোৰ সহায়ত শুকান আৰু নিৰ্জীৱ চুলিকো কোমল আৰু মজবুত কৰি তুলিব পাৰি।এই হেয়াৰ পেকত থকা উপাদানসমূহে চুলিক চিকচিকিয়া কৰি তোলাত ফলপ্ৰসূ বুলি প্ৰমাণিত হ’ব পাৰে।উফিৰ সমস্যাৰ পৰা মুক্তি পাবলৈ এই হেয়াৰ পেকটোক হেয়াৰ কেয়াৰ ৰুটিনৰ অংশ হিচাপে ল’ব পাৰি।
(এই লেখাত পৰামৰ্শ দিয়া টিপছবোৰ কেৱল সাধাৰণ তথ্যৰ বাবেহে। স্বাস্থ্যৰ সৈতে জড়িত যিকোনো ধৰণৰ ফিটনেছ প্ৰগ্ৰেম আৰম্ভ কৰাৰ আগতে বা খাদ্য তালিকাত কোনো পৰিৱৰ্তন কৰাৰ আগতে অনুগ্ৰহ কৰি চিকিৎসকৰ পৰামৰ্শ লওক)
