হিৰোছিমাত পাৰমাণৱিক আক্ৰমণৰ ৮০ বছৰ সম্পূৰ্ণ
জাপানৰ হিৰোছিমাত পাৰমাণৱিক আক্ৰমণৰ আজি ৮০ বছৰ সম্পূৰ্ণ হৈছে । যি সময়ত বিশ্বত পাৰমাণৱিক যুদ্ধৰ ভাবুকিয়ে পুনৰ মূৰ দাঙি উঠিছে আৰু বিশ্বৰ বহু দেশ যুদ্ধৰ কবলত পৰিছে, সেই সময়ত এই বৰ্ষপূৰ্তি পালন কৰা হৈছে । সেই বাবেই হিৰোছিমা পাৰমাণৱিক আক্ৰমণৰ পৰা ৰক্ষা পোৱা লোকসকলে বৰ্তমান পৰিস্থিতিক লৈ অতিশয় চিন্তিত হৈ পৰিছে আৰু লগতে বিভিন্ন নেতাই পাৰমাণৱিক যুদ্ধলৈ যি সমৰ্থন আগবঢ়াইছে সেইক লৈও অসন্তুষ্টি প্ৰকাশ কৰিছে । হিৰোছিমা পাৰমাণৱিক আক্ৰমণৰ পৰা ৰক্ষা পোৱা লোকৰ সংখ্যা ক্ৰমাগতভাৱে হ্ৰাস পাইছে আৰু এতিয়া তেওঁলোকৰ গড় বয়স ৮৬ বছৰ ।
‘পাৰমাণৱিক যুদ্ধৰ ভাবুকি সন্মুখত’
যোৱা বছৰ পাৰমাণৱিক বিলুপ্তিৰ বাবে কাম কৰা সংস্থা নিহন হিডাংকিয়োক শান্তিৰ নোবেল বঁটা প্ৰদান কৰা হৈছিল । এই সংগঠনটোৰ সদস্য হিচাপে পাৰমাণৱিক বোমাৰ পৰা ৰক্ষা পোৱা লোক আছে । সংস্থাটোৱে এক বিবৃতিত কয় যে ‘আমাৰ হাতত এতিয়া বেছি সময় বাকী নাই, আনহাতে আমি পূৰ্বতকৈ পাৰমাণৱিক যুদ্ধৰ বৃহৎ ভাবুকিৰ সন্মুখীন হৈছো । এতিয়া আমাৰ আটাইতকৈ ডাঙৰ প্ৰত্যাহ্বান হৈছে আমাক আওকাণ কৰা সেই পাৰমাণৱিক অস্ত্ৰ সমৃদ্ধ দেশবোৰক সলনি কৰা ।’
১৯৪৫ চনৰ ৬ আগষ্টত সংঘটিত হৈছিল এই পাৰমাণৱিক আক্ৰমণ-
১৯৪৫ চনৰ ৬ আগষ্টত হিৰোছিমাত সংঘটিত হোৱা পাৰমাণৱিক বোমা আক্ৰমণত চহৰখন ধ্বংস হোৱাৰ লগতে ১,৪০,০০০ লোকৰ মৃত্যু হয় । তিনিদিন পিছত নাগাছাকিত দ্বিতীয়টো পাৰমাণৱিক বোমা নিক্ষেপ কৰা হয় আৰু ৭০ হাজাৰৰো অধিক লোকৰ মৃত্যু হয় । এই আক্ৰমণৰ ফলত ১৯৪৫ চনৰ ১৫ আগষ্টত জাপানে আত্মসমৰ্পণ কৰি দ্বিতীয় বিশ্বযুদ্ধ আৰু এছিয়াত জাপানৰ প্ৰায় ডেৰ শতিকাৰ আগ্ৰাসনৰ অন্ত পেলায় । হিৰোছিমাৰ মেয়ৰ কাজুমি মাটছুই, প্ৰধানমন্ত্ৰী শ্বিগেৰু ইছিবাকে ধৰি অন্যান্য বিষয়াসকলে কবৰস্থানত পুষ্প অৰ্পণ কৰে ।
আনুষ্ঠানিক অনুষ্ঠানৰ কিছু ঘণ্টা পূৰ্বে আক্ৰমণৰ পৰা ৰক্ষা পোৱা লোক আৰু তেওঁলোকৰ পৰিয়ালে নিহতসকলক শ্ৰদ্ধাঞ্জলি জ্ঞাপন কৰিব ।
লগতে পঢ়ক : কি হয় পাৰমাণৱিক চাবমেৰিন ? কোন কোন দেশৰ আছে এই শক্তিশালী অস্ত্ৰ ?
