দলৰ পৰা বাদ পৰিল হৰ্ষিত ৰাণা
ইংলেণ্ড ভ্ৰমণত টিম ইণ্ডিয়াই যি আৰম্ভণি বিচাৰিছিলে, সেয়া নাপালে। টেষ্টৰ নতুন অধিনায়ক শুভমান গীলৰ নেতৃত্বত ভাৰতীয় দলটোৱে লিডছৰ প্ৰথমখন খেলত ৫ উইকেটত পৰাস্ত হয়।
চাৰিদিন ধৰি মেচখন সমানে স্থিৰ যেন লাগিছিল যদিও পঞ্চম দিনটোত আয়োজক দলটোৱে বিজয়ী হৈ ওলাই আহি ৩৭১ ৰানৰ ঐতিহাসিক চেজ টানি পাঁচখন মেচৰ শৃংখলাত ১-০ গ’লত আগবাঢ়ি যায়।
এই মেচ শেষ হোৱাৰ ২৪ ঘন্টাও পাৰ হোৱা নাই আৰু ভাৰতীয় শিবিৰৰ পৰা এটা ডাঙৰ খবৰ আহিছে। আচলতে দলৰ পৰা বাহিৰ কৰি দিয়া হৈছে এজন তাৰকা বেগী বলাৰ।বাৰ্মিংহামৰ এডগবাষ্টনত অনুষ্ঠিত হ’বলগীয়া দ্বিতীয়খন টেষ্টৰ বাবে দলটোৰ সৈতে যোৱা নাই পেচাৰগৰাকীয়ে।
দৰাচলতে ইংলেণ্ডৰ বিৰুদ্ধে পাঁচখন টেষ্ট শৃংখলাৰ দ্বিতীয়খন মেচৰ পূৰ্বে টেষ্ট দলৰ পৰা বাহিৰ কৰি দিয়া হৈছে যুৱ বেগী বলাৰ হৰ্ষিত ৰাণা।এই পেচাৰগৰাকীয়ে দলটোৰ সৈতে দ্বিতীয়খন টেষ্টৰ বাবে বাৰ্মিংহামলৈ যোৱা নাই।
এই ভ্ৰমণৰ বাবে নিৰ্বাচিত দলৰ অংশ হৰ্ষিত ৰাণা নাছিল।তেওঁ ইণ্ডিয়া-এ দলৰ অংশ আছিল।অৱশ্যে ছিৰিজৰ অ’পেনাৰ মেচৰ পূৰ্বে তেওঁক দলত অন্তৰ্ভুক্ত কৰা হৈছিল।BCCIয়ে এক বিবৃতিত জনাইছিল যে হৰ্ষিতক লিডছ টেষ্টৰ বাবে দলত যোগ কৰা হৈছে।
প্ৰথম টেষ্টত ভাৰতৰ পৰাজয়ৰ পিছত গম্ভীৰে হৰ্ষিত ৰাণা সম্পৰ্কে কৈছিল, ‘মই চেয়াৰমেন চিলেক্টৰৰ লগত কথা পতা নাই।
মই বাচনিকাৰীৰ অধ্যক্ষৰ লগত কথা পাতিম। সেইবাবেই আমি তেওঁক বেকআপ হিচাপে বিচাৰিছিলো।কিন্তু এই মুহূৰ্তত সকলো ঠিকেই যেন লাগিছে, গতিকে সকলো ঠিকেই থাকিলে তেওঁ ঘূৰি আহিব লাগিব।
লগতে পঢ়ক: ক’ত আৰু কেতিয়া অনুষ্ঠিত হ’ব ভাৰত ইংলেণ্ডৰ মাজৰ দ্বিতীয়খন টেষ্ট মেচ
