আহি আছে নতুন আইন
সমগ্ৰ দেশতে চলি থকা ভয়াৱহ গৰম আৰু গ্ৰীষ্মপ্ৰৱাহৰ মাজতে কেন্দ্ৰীয় চৰকাৰে এয়াৰ কণ্ডিচনাৰ (AC) ব্যৱহাৰৰ সন্দৰ্ভত এক বৃহৎ পৰিকল্পনা ঘোষণা কৰিছে । কেন্দ্ৰীয় গৃহ আৰু নগৰ পৰিক্ৰমা মন্ত্ৰী মনোহৰ লাল খট্টৰে কয় যে এতিয়া এচিৰ উষ্ণতা মানকৃত কৰা হ’ব । তেওঁ কয় যে শক্তি সংৰক্ষণ, শক্তিৰ ব্যৱহাৰ হ্ৰাস আৰু পৰিৱেশৰ ভাৰসাম্যৰ কথা মনত ৰাখি এই পদক্ষেপ গ্ৰহণ কৰা হৈছে । এই সন্দৰ্ভত শীঘ্ৰেই অনা হ’ব নতুন আইন ।
দৰাচলতে কেন্দ্ৰীয় গৃহ নিৰ্মাণ আৰু নগৰ পৰিক্ৰমা মন্ত্ৰী মনোহৰ লাল খট্টৰে ২০৪৭ বৰ্ষৰ বাবে মোদী চৰকাৰৰ দৃষ্টিভংগীৰ ৰূপৰেখা দাঙি ধৰে । বিগত দশকত চৰকাৰে অৰ্থনৈতিক আৰু আন্তঃগাঁথনি উন্নয়নৰ ক্ষেত্ৰত লাভ কৰা উল্লেখযোগ্য অগ্ৰগতিৰ ওপৰত গুৰুত্ব আৰোপ কৰে তেওঁ ।
সংবাদমেলত খট্টৰে কয় যে, মোদী চৰকাৰে ১১ বছৰ সম্পূৰ্ণ কৰিলে আৰু লক্ষ্য নিৰ্ধাৰণ কৰি সেই লক্ষ্যত উপনীত হ’বলৈ আমাৰ হাতত ২২ বছৰ বাকী আছে । ২০৪৭ চনৰ ভিতৰত আমাৰ লক্ষ্য হৈছে এখন উন্নত ভাৰত গঢ়ি তোলা আৰু আগন্তুক বছৰবোৰত আমি যোৱা দশকত হোৱা অগ্ৰগতি বহুগুণে বৃদ্ধি কৰাৰ কাম কৰিম । উন্নত ভাৰতৰ অৰ্থ হ’ল এক উল্লেখযোগ্য বিশ্বব্যাপী মৰ্যাদা লাভ কৰা । অৰ্থনীতিক উন্নীত কৰিবলৈ আমি বাণিজ্য, উদ্যোগ, জীৱন ধাৰণৰ মানদণ্ড আৰু শক্তি খণ্ড বৃদ্ধি কৰিব লাগিব, যিয়ে সকলো খণ্ডক আগুৱাই নিয়াত গুৰুত্বপূৰ্ণ ভূমিকা পালন কৰে ।’
মন্ত্ৰী খট্টৰে কয় যে চৰকাৰে এনে এক নতুন আইন ৰূপায়ণ কৰিবলৈ সাজু হৈছে যাৰ অধীনত সমগ্ৰ দেশৰ সকলো এয়াৰ কণ্ডিচনাৰৰ উষ্ণতা ২০ ডিগ্ৰী চেলছিয়াছৰ তললৈ আৰু ২৮ ডিগ্ৰী চেলছিয়াছৰ ওপৰত ল’ব নোৱাৰিব । এই ব্যৱস্থা শীতল আৰু উত্তাপ দুয়োটা পৰিস্থিতিতে প্ৰযোজ্য হ’ব ।
তেওঁ কয়, “এচিৰ উষ্ণতা মানকৃত কৰাৰ ব্যৱস্থা কৰা হব । ইয়াক অতি সোনকালে কাৰ্যকৰী কৰা হ’ব । এতিয়া এচিৰ উষ্ণতা ২০ ডিগ্ৰীৰ পৰা ২৮ ডিগ্ৰীৰ ভিতৰত হ’ব । অৰ্থাৎ শীতল কৰাৰ বাবে ই ২০ ডিগ্ৰীতকৈ কম আৰু গৰম কৰাৰ বাবে ২৮ ডিগ্ৰীতকৈ অধিক হ’ব নোৱাৰিব । এইটো এক প্ৰকাৰৰ পৰীক্ষা আৰু আমি প্ৰথমবাৰৰ বাবে আৰম্ভ কৰিছো । বহু দেশ আছে, যেনে জাপানে ইয়াক ২৬ ডিগ্ৰীলৈ মানকৃত কৰিছে । ইটালীত ২৩ ডিগ্ৰী । যিবোৰ দেশক অতি আগবঢ়া বুলি গণ্য কৰা হয়, সেইবোৰ দেশত এইটোৱেই মানদণ্ড । আমি ২০ ডিগ্ৰী কৰিম । ২০ ডিগ্ৰীতকৈ কম তাপমাত্ৰাত এচি অন কৰি কোনোবাই শুব বুলি মই নাভাবো ।”
লগতে পঢ়ক : চৰকাৰৰ নতুন সতৰ্কবাণী; ফোনত কথা পাতি থকাৰ সময়ত বন্ধ কৰি ৰাখক ইণ্টাৰনেট
