আহি আছে বিশালাকাৰ ধুমকেতু
শেহতীয়াকৈ জ্যোতিৰ্বিজ্ঞানীসকলে এটা অতি বিশাল ধুমকেতু আমাৰ সৌৰজগতৰ ফালে গতি কৰা দেখা পাইছে।ইয়াৰ নাম ধুমকেতু C/2014 UN271।
এইটো আজিলৈকে আটাইতকৈ ডাঙৰ ধুমকেতু বুলি ধাৰণা কৰা হৈছে, যাৰ প্ৰস্থ প্ৰায় ১৩৭ কিলোমিটাৰ।ইয়াৰ আকাৰ সেই গ্ৰহাণুতকৈ ১৪ গুণ ডাঙৰ, যিয়ে ৬৫ নিযুত বছৰ আগতে পৃথিৱীৰ ডাইনোছৰবোৰৰ অন্ত পেলাইছিল।
ই ২০২৪ চনৰ মাৰ্চ মাহত প্ৰথমবাৰৰ বাবে প্ৰচণ্ড আচৰণ দেখুৱাইছে আৰু ৮ মাৰ্চত ই এটা শক্তিশালী জেট (গেছৰ প্ৰবাহ) নিৰ্গত হোৱা দেখা গৈছিল।
ইয়াৰ পিছত ১৭ মাৰ্চত এটা আৰু, কিন্তু অলপ দুৰ্বল জেট ওলাই আহিল।এই ধুমকেতুটো অতি দূৰৈৰ অ’ৰ্ট ক্লাউড নামৰ অঞ্চলৰ পৰা আহিছে, যিটো প্লুটো আৰু কুইপাৰ বেল্টৰ বাহিৰতো আছে।
বিজ্ঞানীসকলে চিলিৰ আটাকামা লাৰ্জ মিলিমিটাৰ/ছাবমিলিমিটাৰ এৰে (ALMA) টেলিস্কোপৰ সহায়ত পৰীক্ষা কৰি দেখিলে যে ইয়াৰ পৃষ্ঠৰ পৰা অতি দ্ৰুতগতিত কাৰ্বন মনোক্সাইড গেছ নিৰ্গত কৰি আছে, যাৰ বাবে ইয়াক আৰু অধিক বিপজ্জনক আৰু আকৰ্ষণীয় কৰি তোলে।
যদিও ই অতি ডাঙৰ আৰু সক্ৰিয়, তথাপিও ই পৃথিৱীৰ বৰ ওচৰলৈ নাহে।বিজ্ঞানীসকলৰ মতে এই ই সৌৰজগতৰ ভিতৰৰ অংশত উপস্থিত হ’ব যদিও পৃথিৱীলৈ কোনো প্ৰত্যক্ষ ভাবুকি নাই।
আমেৰিকান ইউনিভাৰ্চিটি আৰু নাছা গডাৰ্ড স্পেচ ফ্লাইট চেণ্টাৰৰ জ্যোতিৰ্ ৰসায়নবিদ নাথান ৰথে কয় যে ইয়াক পৰ্যবেক্ষণ কৰিলে তেওঁলোকে এই বিশাল, বৰফৰ জগতখনৰ বিষয়ে জানিবলৈ সুযোগ পায়।
তেওঁ কয় যে আমি বিস্ফোৰক গেছৰ ওলাই যোৱা আৰ্হি দেখিবলৈ পাইছো যিয়ে ইয়াৰ ভিতৰৰ সৌৰজগতৰ দিশে যাত্ৰা অব্যাহত ৰখাৰ লগে লগে কেনেদৰে বিকশিত হ’ব সেই সম্পৰ্কে নতুন প্ৰশ্ন উত্থাপন কৰিছে।
লগতে পঢ়ক: ভাৰতৰ আটাইতকৈ কম বয়সীয়া মহাকাশ যাত্ৰী ! ২০২৯ত মহাকাশলৈ ২৩ বছৰীয়া জাহ্নৱী
