জম্মু-কাশ্মীৰৰ পেহেলগামত সংঘটিত সন্ত্ৰাসবাদী আক্ৰমণৰ পিছত ভাৰত আৰু পাকিস্তানৰ মাজত ক্ৰমাৎ উত্তেজনা বৃদ্ধি পোৱাৰ পৰিপ্ৰেক্ষিতত গৃহ মন্ত্ৰালয়ে ৭ মে’ত ম’ক ড্ৰিলৰ নিৰ্দেশ দিছে।
এনে পৰিস্থিতিত ম’ক ড্ৰিলৰ পূৰ্বে দিল্লী আৰক্ষীয়ে দেশৰ ৰাজধানীৰ গুৰুত্বপূৰ্ণ স্থানসমূহৰ নিৰাপত্তা বৃদ্ধি কৰিছে। কৰ্না’ট প্লেচত বৃহৎ সংখ্যক আৰক্ষী বাহিনী মোতায়েন কৰা হৈছে।
আৰক্ষীৰ লগতে অৰ্ধসামৰিক বাহিনীৰ জোৱানকো মোতায়েন কৰা হৈছে। পালিকা বজাৰৰ পৰা ৰাজীৱ চকলৈ মেট্ৰ’ৰ ভিতৰত আৰু বাহিৰত নিৰাপত্তা বৃদ্ধি কৰা হৈছে।
ম’ক ড্ৰিল কাইলৈ অৰ্থাৎ বুধবাৰৰৰ পৰা হ’ব, কিন্তু তাৰ আগতেই দিল্লী আৰক্ষীয়ে মহানগৰীৰ সকলো গুৰুত্বপূৰ্ণ আৰু জনবহুল স্থানসমূহ চিনাক্ত কৰি সেই সকলোবোৰ ঠাইৰ নিৰাপত্তা বৃদ্ধি কৰিছে।
