বুধবাৰে নিশা ভাৰতে পাকিস্তানৰ কেইবাটাও সন্ত্ৰাসবাদী ঘাটিত বিমান আক্ৰমণ চলায় । এই অভিযান অতি গোপনীয়ভাৱে সম্পন্ন আৰু সম্পূৰ্ণ কৰা হৈছিল ।
মিছন সম্পূৰ্ণ কৰাৰ পিছত সংবাদমেলযোগে এই তথ্য দিয়া হয় কিন্তু আপুনি জানেনে যে এই মিছন সম্পূৰ্ণ কৰাত দুগৰাকী মহিলাই অতি গুৰুত্বপূৰ্ণ ভূমিকা পালন কৰিছিল । ইয়াৰে এগৰাকী লেফটেনেণ্ট কৰ্ণেল ছফিয়া কুৰেশ্বী আৰু আনগৰাকী উইং কমাণ্ডাৰ ব্যোমিকা সিং ।
ছফিয়া কুৰেশ্বী হৈছে সেইগৰাকী বিষয়া যিগৰাকীয়ে ইন্টাৰনেশ্যনেল মিলিটাৰী এক্সাৰচাইজ পৰ্ছ ১৮ত ভাৰতক নেতৃত্ব দিছিল ।
ভাৰতত প্ৰতিটো ক্ষেত্ৰতে নাৰী শক্তিৰ পতাকা উৰি আছে আৰু এয়া কেৱল কোনো ক্ষেত্ৰৰ পতাকা উৰুওৱা নহয় । ইয়াৰ বাবে আকাশ স্পৰ্শ কৰিবলৈ প্ৰবল দৃঢ়তা আৰু সাহসৰ প্ৰয়োজন ।
ভাৰতীয় সামৰিক বিষয়া লেফটেনেণ্ট কৰ্ণেল ছফিয়া কুৰেশ্বী এনে সাহসৰ জীৱন্ত নিদৰ্শন । দৃঢ়তাৰ বাটত কোনো বাধা থিয় হ’ব নোৱাৰে আৰু নাৰী শক্তি যিমানেই কঠিন নহওক কিয় প্ৰতিটো প্ৰত্যাহ্বানৰ সন্মুখীন হ’ব পাৰে বুলি তেওঁ প্ৰমাণ কৰিছে ।
কেনেকৈ অপাৰেচন সিন্দুৰ হৈছিল, কলে ছফিয়া কুৰেশ্বীয়ে-
২০১৬ চনত থাইলেণ্ডত অনুষ্ঠিত হোৱা আন্তঃৰাষ্ট্ৰীয় সামৰিক অনুশীলন ‘ফৰ্চ ১৮’ত ভাৰতক নেতৃত্ব দি ছফিয়া কুৰেশ্বী চৰ্চালৈ আহিছিল ।
এই অনুশীলনত ১৮খন দেশে অংশগ্ৰহণ কৰিছিল আৰু প্ৰথমবাৰৰ বাবে ভাৰতৰ এগৰাকী মহিলা বিষয়াক টিম লিডাৰ হিচাপে নিযুক্তি দিয়া হৈছিল । ইয়াৰ পিছতে এতিয়া পুনৰবাৰ তেওঁৰ নাম বাতৰিৰ শিৰোনামাত আহিছে ।
কোন হয় ছফিয়া কুৰেশ্বী ?
লেফটেনেণ্ট কৰ্ণেল ছফিয়া কুৰেশ্বী ভাৰতীয় সেনাৰ এগৰাকী জ্যেষ্ঠ বিষয়া, যিয়ে ভাৰতীয় সেনাৰ হৈ আন্তঃৰাষ্ট্ৰীয় সামৰিক অনুশীলনৰ কমাণ্ড কৰা প্ৰথমগৰাকী মহিলা বিষয়া হৈ ইতিহাস ৰচনা কৰিছিল ।
ছফিয়া কুৰেশ্বী ভাৰতৰ গুজৰাট ৰাজ্যৰ বৰোদা (বদোদৰা) চহৰৰ বাসিন্দা । ইয়াৰ পৰাই তেওঁৰ প্ৰাথমিক জীৱন আৰু শিক্ষা আৰম্ভ হৈছিল ।
ছফিয়া কুৰেশ্বীয়ে গুজৰাটৰ বৰোদা মহাৰাজা ছায়াজিৰাও বিশ্ববিদ্যালয় (MSU)ত অধ্যয়ন কৰিছিল । ইয়াৰ পিছত তেওঁ ভাৰতীয় সেনাবাহিনীত যোগদান কৰাৰ সপোন দেখিছিল আৰু সফলতাৰে নিৰ্বাচিত হৈছিল ।
ছফিয়াই চেন্নাইৰ অফিচাৰ্ছ ট্ৰেইনিং একাডেমীৰ পৰা উত্তীৰ্ণ হয় য’ত সেনা বিষয়া হ’বলৈ প্ৰশিক্ষণ দিয়া হয় । ছফিয়া কুৰেশ্বীয়ে চিগনেল কৰ্পছত কৰ্মৰত । সেনাবাহিনীৰ এই শাখা যিয়ে যোগাযোগ, প্ৰযুক্তি আৰু নেটৱৰ্কিং চোৱাচিতা কৰে ।
আজি ছফিয়া কুৰেশ্বী কেৱল নাম নহয়, প্ৰেৰণা তথা আদৰ্শৰ নিদৰ্শন । এটা বেলেগ পথ বাছি লৈ বিশ্বক দেখুৱাব বিচৰা প্ৰতিগৰাকী নাৰীৰ বাবে তেওঁৰ এই যাত্ৰা পোহৰৰ ৰশ্মি । তেওঁ দেখালে যে, দেশৰ সেৱা কৰাটো কেৱল ইউনিফৰ্ম পৰিধান কৰা নহয়, দায়িত্ব কান্ধত তুলি লোৱাও ।
