আপুনি যদি এ আই এণ্ড ডাটা ছায়েন্সত এক্সিকিউটিভ পি জি ডিপ্লমা কৰাৰ কথা ভাবিছে তেন্তে আই আই টি ব’ম্বেয়ে আপোনাৰ বাবে আনিছে সুখবৰ । আই টি ব’ম্বেয়ে চেণ্টাৰ ফৰ মেচিন ইনটেলিজেন্স এণ্ড ডাটা ছায়েন্স (C-MinDS)ৰ দ্বাৰা প্ৰদান কৰা কৃত্ৰিম বুদ্ধিমত্তা আৰু তথ্য বিজ্ঞানৰ কাৰ্যবাহী স্নাতকোত্তৰ ডিপ্লমা মুকলি কৰাৰ কথা ঘোষণা কৰিছে । ১৮ মাহৰ এই অনলাইন কাৰ্যসূচী ২০২৫ চনৰ জানুৱাৰী মাহৰ পৰা আৰম্ভ হ’ব ।এই পাঠ্যক্ৰম আই আই টি বম্বেৰ অধ্যাপকে পেছাদাৰী প্ৰশিক্ষণ আৰু উচ্চ শিক্ষাৰ বাবে এড-টেক কোম্পানী গ্ৰেট লাৰ্নিঙৰ সহযোগত ডিজাইন কৰিছে ।
এই পাঠ্যক্ৰমত নামভৰ্তি কৰিব বিচৰা ব্যক্তিৰ কমেও এবছৰৰ কৰ্ম অভিজ্ঞতাৰ সৈতে স্বীকৃতিপ্ৰাপ্ত চাৰি বছৰীয়া স্নাতক ডিগ্ৰী বা তিনি বছৰীয়া ডিগ্ৰী থাকিব লাগিব । স্নাতকোত্তৰ আৰু ডক্টৰেট ডিগ্ৰীধাৰী ছাত্ৰ-ছাত্ৰী, স্নাতক পৰ্যায়ত গণিত আৰু পৰিসংখ্যাৰ মৌলিক জ্ঞান থকা ছাত্ৰ-ছাত্ৰীসকলেও আবেদন কৰিব পাৰে ।
এই পাঠ্যক্ৰমটো আৰম্ভণি আৰু মধ্যম কেৰিয়াৰৰ পেছাদাৰীসকলৰ বাবে, এই কাৰ্যসূচীয়ে এ আই, মেচিন লাৰ্নিং আৰু ডাটা বিজ্ঞানৰ মূল ক্ষেত্ৰসমূহ সামৰি লয় । পাঠ্যক্ৰমত উদ্যোগৰ বাবে প্ৰস্তুত দক্ষতা বৃদ্ধিৰ বাবে ঐচ্ছিক বিষয়সমূহৰ লগতে প্ৰগ্ৰেমিং ফৰ মেচিন লাৰ্নিং, ষ্টেটিষ্টিক্যাল ফাউণ্ডেশ্যন, মেচিন লাৰ্নিং, ডিপ লাৰ্নিং, জেনেৰেটিভ এ আই আৰু এ আই-এম এল ইন প্ৰেকটিছৰ দৰে মূল পাঠ্যক্ৰমসমূহৰো মিশ্ৰণ ঘটিছে ।
অংশগ্ৰহণকাৰীসকলে Python, SQL, NumPy, Pandas, Seaborn, Scikit-Learn, TensorFlow, Keras, Hugging Face, Docker, Kubernetes আৰু PyTorchৰ সৈতে হাতে কামে অভিজ্ঞতা লাভ কৰিব, যিবোৰ আই আই টি বম্বেৰ শৈক্ষিক সম্পদৰ দ্বাৰা সমৰ্থিত ।
