ক্ৰিকেট জগতৰ পৰা অনুৰাগীসকলৰ বাবে আহিছে এটা ভাল খবৰ।বিবাহপাশত আৱদ্ধ হ’ল এগৰাকী তাৰকা । বিশ্বজুৰি নিজৰ বলিঙেৰে সকলোৰে হৃদয় জিনা আফগানিস্তানৰ তাৰকা ক্ৰিকেটাৰ ৰছিদ খানে বিবাহ পাশত আৱদ্ধ হ’ল।তাৰকা ক্ৰিকেটাৰ গৰাকীয়ে ৩ অক্টোবৰৰ দিনা আফগানিস্তানৰ ৰাজধানী কাবুলৰ এখন হোটেলত পৰম্পৰাগত ৰীতি-নীতিৰে বিবাহ পাশত আৱদ্ধ হয়। য’ত আফগানিস্তান দলৰ বহুতো খেলুৱৈ উপস্থিত আছিল । বিয়াখনত কঠোৰ নিৰাপত্তা ব্যৱস্থা গ্ৰহণ কৰা হৈছিল।তাৰকা ক্ৰিকেটাৰ গৰাকীৰ বিয়াখন কাবুলত ইম্পেৰিয়েল কণ্টিনেণ্টেল হোটেলত হৈছিল । ৰছিদ খানে যোৱা মাহত দক্ষিণ আফ্ৰিকাৰ বিৰুদ্ধে এদিনীয়া শৃংখলাত খেলা দেখা গৈছিল। এই এদিনীয়া শৃংখলাত আফগানিস্তানে দক্ষিণ আফ্ৰিকাৰ বিৰুদ্ধে ইতিহাস ৰচনা কৰিছিল ।
