-১২ বছৰৰ প্ৰেমৰ অন্তত সোমবাৰে বিয়া। ঘৰখনত উদুলি-মুদুলি পৰিৱেশ । চোতালত দিছে পেণ্ডেল ।
নিজৰ বিয়াৰ বাবে আত্মীয়ক নিমন্ত্ৰণ দিবৰ বাবে বুধবাৰে মঙলদৈৰ পৰা গুৱাহাটী লৈ আহিছিল দৰা ধনমনি ভট্ট। কিন্তু হঠাত আবেলি পৰিয়ালৰ লোকে খবৰ পালে যে গুৱাহাটীত ধনমনিৰ ৰহস্যজনকভাৱে মৃত্যু হৈছে । কামাখ্যা ৰে’লৱে ষ্টেচনত উদ্ধাৰ হ’ল দৰা ধনমনি ভট্টৰ মৃতদেহ । ডিঙি কটা অৱস্থাত ধনমণিৰ মৃতদেহ উদ্ধাৰৰ পিছতে ৰহস্যৰ মাজত সোমাই পৰিছে সমগ্ৰ ঘটনা।
খবৰটো পোৱাৰ পিছতেই এক শোকাকুল পৰিৱেশে বিৰাজ কৰিছে মঙলদৈৰ ১ নং গেৰীমাৰীৰ ধনমণিৰ বাসগৃহ । পুত্ৰক হেৰুৱাই কান্দোনত ভাগি পৰিছে মাতৃ আৰু ভাতৃ ।
ফটো-মাক
বিয়া পতাৰ সপোন সপোন হৈয়ে ৰ’ল ধনমণিৰ । ঘৰখনৰ জ্যেষ্ঠ পুত্ৰ ধনমণিৰ ৰহস্যজনক মৃত্যুৰ পিছতেই স্তম্ভিত হৈ পৰিছে পৰিয়াল বৰ্গ ।
