পৰ্বতঝোৰাৰ ৰামসৰোবৰত ভয়ংকৰ ঘটনা সংঘটিত হৈছে। বুলড’জাৰৰ তলত পৰি কৰুণ মৃত্যু ইছা হক নামৰ এজন যুৱক।মাত্ৰ ২০ বছৰীয়া যুৱকজনৰ কৰুণ মৃত্যুত শোকত ভাগি পৰিছে সমগ্ৰ অঞ্চল ।
জানিব পৰা মতে পৰ্বতঝোৰাৰ ৰামসৰবৰ এটা কেম্পাচত ডাম্পাৰেৰে মাটি সৰবৰাহ কৰি আছিল যুৱকজনে।এক্সকেভেটৰ সহায়ত মাটিৰ কোৱাৰীত ডাম্পাৰত মাটি ভৰ্তি কৰাৰ সময়ত ডাম্পাৰৰ হেণ্ডিমেন হিচাপে থকা যুৱক জনৰ ভৰি পিছলি এক্সেভেটৰৰ তলত পৰি যায়।
এক্সেভেটৰৰ চেপাক গুৰুতৰ ভাৱে আহত হয় যুৱক জন।দুৰ্ঘটনা স্থলীত উপস্থিত থকা ৰাইজে ততাতৈয়াকৈ আহত যুৱক জনক উদ্ধাৰ কৰি চিকিৎসালয়লৈ লৈ যায় যদিও চিকিৎসাধীন অৱস্থাত যুৱক জনৰ মৃত্যু হোৱা বুলি জানিব পৰা গৈছে।মৃত্যুদেহটো নিজ গৃহত উপস্থিত হোৱাত কান্দোনত ভাঙি পৰে পৰিয়ালৰ লোক।
