সকলোৰে পৰিচিত আমলখিক অমৃত ফল বুলিও কোৱা হয় । আয়ুৰ্বেদত আমলখিৰ বিশেষ গুৰুত্ব আছে । এই ছুপাৰফুডত ভিটামিন চি আৰু এন্টিঅক্সিডেন্ট প্ৰচুৰ পৰিমাণে থাকে । আমলখিৰ ৰসে আপোনাৰ স্বাস্থ্যৰ বাবে বহুতো চমৎকাৰী উপকাৰ দিব পাৰে । যদি আপুনি নিয়মিতভাৱে ১৫ দিন আমলখিৰ ৰস সেৱন কৰে তেন্তে ইয়াৰ ফলাফল চমৎকাৰী হ’ব পাৰে । দৈনিক ১৫ দিন আমলাৰ ৰস সেৱন কৰিলে শৰীৰত সম্পূৰ্ণ উপকাৰ পোৱা যায় । ই আপোনাৰ স্বাস্থ্য উন্নত কৰিব পাৰে আৰু আপোনাৰ ৰুটিনত নতুন শক্তি যোগ কৰিব পাৰে । আমলখিৰ অলৌকিক গুণৰ সুবিধা ল’বলৈ ইয়াক আপোনাৰ খাদ্যৰ তালিকাত অন্তৰ্ভুক্ত কৰক ।
দৈনিক আমলাৰ ৰস খোৱাৰ উপকাৰীতা-
ৰোগ প্ৰতিৰোধ ক্ষমতা বৃদ্ধি কৰে-
আমলখিত ভিটামিন চি প্ৰচুৰ পৰিমাণে পোৱা যায়, যাৰ ফলত আপোনাৰ ৰোগ প্ৰতিৰোধ ক্ষমতা শক্তিশালী হয় । ই শৰীৰক চৰ্দি, কাহ আৰু সংক্ৰমণৰ পৰা ৰক্ষা কৰাত সহায় কৰে ।
পাচনতন্ত্ৰ উন্নত কৰে-
পাচনতন্ত্ৰৰ উন্নতিৰ ক্ষেত্ৰত আমলখিৰ ৰস অতি ফলপ্ৰসূ । ই পেটৰ সমস্যা যেনে কোষ্ঠকাঠিন্য, এচিডিটি আৰু গেছ দূৰ কৰে । ইয়াত থকা আঁহে আপোনাৰ অন্ত্ৰ পৰিষ্কাৰ কৰি ৰাখে ।
চুলি আৰু ছালৰ বাবে আশীৰ্বাদ-
আমলখিৰ ৰসত থকা এন্টিঅক্সিডেন্ট আৰু ভিটামিনে চুলিক মজবুত, ডাঠ আৰু চিকচিকিয়া কৰি তোলে । ই চুলি সৰা আৰু পকা প্ৰতিহত কৰাত সহায় কৰে । লগতে ই ছালত প্ৰাকৃতিক উজ্জবলতা প্ৰদান কৰে আৰু বলিৰেখা কমায় ।
ওজন হ্ৰাস কৰাত সহায়ক-
যদি আপুনি ওজন কমোৱাৰ কথা ভাবিছে তেন্তে আমলখিৰ ৰস এটা উত্তম বিকল্প । ই বিপাকীয় ক্ৰিয়া ক্ষীপ্ৰ কৰে আৰু শৰীৰৰ পৰা বিষাক্ত উপাদানসমূহ আঁতৰাই পেলায়, যাৰ ফলত ওজন কমাবলৈ সহজ হয় ।
ৰক্ত শৰ্কৰাৰ মাত্ৰা নিয়ন্ত্ৰণ কৰে-
ডায়েবেটিছ ৰোগীৰ বাবে আমলখি উপকাৰী । ইয়াৰ ৰসে তেজৰ শৰ্কৰাৰ মাত্ৰাৰ ভাৰসাম্য ৰক্ষা কৰে আৰু পেনক্ৰিয়াচক সুস্থ কৰি ৰখাত সহায় কৰিব পাৰে ।
হৃদযন্ত্ৰ সুস্থ কৰি ৰাখে-
আমলখিয়ে ৰক্ত সঞ্চালন উন্নত কৰে আৰু কলেষ্টেৰলৰ মাত্ৰা নিয়ন্ত্ৰণ কৰে । ইয়াৰ ফলত হাৰ্ট এটেক আৰু অন্যান্য হৃদৰোগৰ সম্ভাৱনা কম হয় ।
লিভাৰ পৰিস্কাৰ কৰে-
আমলখিৰ ৰসে যকৃতক বিষমুক্ত কৰি সুস্থ কৰি ৰাখে । ই শৰীৰৰ পৰা বিষাক্ত পদাৰ্থ আঁতৰোৱাত সহায় কৰে ।
আমলখিৰ ৰস কেনেকৈ সেৱন কৰিব ?
-প্ৰতিদিনে পুৱা খালী পেটত ২০-৩০ মিলিলিটাৰ আমলখিৰ ৰস খোৱাটো অতি উপকাৰী ।
-পানীত মিহলাই খাব যাতে সোৱাদৰ ভাৰসাম্য ৰক্ষা কৰিব পাৰে ।
-সোৱাদ বেছি কেঁহা যেন লাগিলে মৌ অলপ বা ক’লা নিমখ এচিকুট দিব পাৰে ।
সাৱধানতা-
আমলখিৰ ৰস বেছিকৈ নাখাব; ই এচিডিটি বৃদ্ধি কৰিব পাৰে ।
যদি আপুনি কোনো গুৰুতৰ ৰোগত ভুগি আছে তেন্তে চিকিৎসকৰ পৰামৰ্শ লওক ।
বজাৰৰ ৰসৰ সলনি ঘৰতে বনোৱা সতেজ ৰস খাব লাগে, কাৰণ ইয়াত সংৰক্ষক পদাৰ্থ নাথাকে ।
(এই প্ৰতিবেদনে পৰামৰ্শকে ধৰি কেৱল সাধাৰণ তথ্যহে প্ৰদান কৰে । ই কোনো কাৰণতে যোগ্য চিকিৎসা মতামতৰ বিকল্প নহয় । অধিক তথ্যৰ বাবে সদায় বিশেষজ্ঞ বা চিকিৎসকৰ পৰামৰ্শ লওক ।)
