বলীউডৰ অভিনেতা বিক্ৰান্ত মেছীয়ে অভিনয়ৰ পৰা অৱসৰ লোৱাৰ কথা ঘোষণা কৰি সকলোকে আচৰিত কৰি তুলিছে । তেওঁ এই সিদ্ধান্ত কিয় ল’লে সেয়া অনুৰাগীসকলে এতিয়াও বুজিব পৰা নাই ।
বিক্ৰান্ত মেছীয়ে তেওঁৰ শেহতীয়া ছবি দ্য সবৰমতী ৰিপ’ৰ্টৰ পিছৰে পৰা শিৰোনাম দখল কৰি আহিছে । এতিয়া অৱসৰৰ কথা ঘোষণা কৰি তেওঁ সকলোকে আচৰিত কৰিছে । বিক্ৰান্তে এই পোষ্টটো ছচিয়েল মিডিয়াত শ্বেয়াৰ কৰিছে । বিক্ৰান্তে পোষ্টটোত আগন্তুক ২০২৫ চনত যেতিয়ালৈকে সঠিক সময় নাহে শেষবাৰৰ বাবে লগ পোৱাৰ কথা উল্লেখ কৰিছে ।
ইয়াৰ মাজতে আজি আপোনালোকক বিক্ৰান্তে অভিনয় কৰা কেইখনমান ভাল ছবিৰ বিষয়ে আপোনালোকক জনাম, যিকেইখন আপুনি OTT ত চাব পাৰিব ।
ছাৰা আলী খান আৰু চিত্ৰাংগদা সিঙৰ সৈতে মুক্তি পোৱা বিক্ৰান্ত মেছীৰ এখন ছবি আছিল গেছলাইট । এই ছবিখন ডিজনী প্লাছ হটষ্টাৰত চাব পাৰিব । ইফালে এইবছৰ মুক্তি পোৱা তেওঁৰ আন এখন ছবি ছেক্টৰ ৩৬ নেটফ্লিক্সত উপভোগ কৰিব পাৰিব ।
বিক্ৰান্ত মেছীয়ে জনপ্ৰিয় ছিৰিজ মিৰ্জাপুৰত বাবলু পণ্ডিতৰ চৰিত্ৰত অভিনয় কৰি সকলোকে মোহিত কৰিছিল । প্ৰথম ছিজনত তেওঁৰ মৃত্যুৰ পিছত অনুৰাগীসকলে গভীৰ শোক প্ৰকাশ কৰিছিল । প্ৰাইম ভিডিঅ’ত চাব পাৰিব মিৰ্জাপুৰ ।
বিক্ৰান্তে দীপিকা পাডুকনৰ সৈতে ছাপাকত কাম কৰিছিল । ডিজনী প্লাছ হটষ্টাৰত এই ছবিখন চাব পাৰিব । উল্লেখ্য যে, 12th Fail ৰ পিছত বিক্ৰান্ত মেছীৰ কেৰিয়াৰ যথেষ্ঠ উচ্চতালৈ গৈছিল । এই ছবিখনে তেওঁক এক সুকীয়া পৰিচয় দিয়ে । এই ছবিখন ডিজনী প্লাছ হটষ্টাৰত চাব পাৰিব ।
ইফালে শেহতীয়াকৈ বিক্ৰান্তৰ ছবি দ্য সবৰমতী ৰিপৰ্ট ছবিগৃহত মুক্তি লাভ কৰিছে । এই ছবিখনৰ OTT মুক্তিৰ তথ্য এতিয়াও প্ৰকাশ কৰা হোৱা নাই ।
