বৰ্তমানৰ এদিনীয়া আৰু টিম ইণ্ডিয়াৰ টেষ্ট অধিনায়ক ৰোহিত শৰ্মাৰ অধিনায়কত্ব এতিয়া আগৰ দৰে সজীৱ হৈ থকা নাই । বেটছমেন হিচাপেও ৰোহিত শৰ্মাই অতি দুৰ্বল প্ৰদৰ্শন আগবঢ়াইছে । যদিহে ভাৰতে আই চি চি ৱৰ্ল্ড টেষ্ট চেম্পিয়নশ্বিপ (ডব্লিউ টি চি) ২০২৫ৰ ফাইনেলত প্ৰৱেশ কৰিব নোৱাৰে তেন্তে ৰোহিত শৰ্মাৰ টেষ্ট অধিনায়কত্ব বিপদত পৰিব পাৰে । আই চি চি চেম্পিয়নছ ট্ৰফী ২০২৫ প্ৰতিযোগিতা এতিয়া বহু দূৰত নহয় । ২০২৫ চনৰ ফেব্ৰুৱাৰী আৰু মাৰ্চ মাহত অনুষ্ঠিত হ’ব আই চি চি চেম্পিয়নছ ট্ৰফী ২০২৫ প্ৰতিযোগিতা ।
ৰোহিতৰ পিছত কোনে ল’ব টিম ইণ্ডিয়াৰ কমাণ্ড ?
৫০ অভাৰৰ বিশ্বকাপৰ পিছত পৰৱৰ্তী সৰ্বোচ্চ ট্ৰফী হৈছে আই চি চি চেম্পিয়নছ ট্ৰফী । এক প্ৰকাৰে ইয়াক মিনি বিশ্বকাপ বুলিও কোৱা হয় । আই চি চি চেম্পিয়নছ ট্ৰফী ২০২৫ৰ পাছতো ৰোহিত শৰ্মাৰ বাবে এদিনীয়া আৰু টেষ্টৰ অধিনায়ক হৈ থকাটো অতি কঠিন হ’ব বুলি ধাৰণা কৰা হৈছে । দীৰ্ঘদিন ধৰি টিম ইণ্ডিয়াৰ অধিনায়ক হোৱাটো সম্ভৱ নহ’ব ৩৭ বছৰীয়া ৰোহিত শৰ্মাৰ বাবে । গতিকে এনে পৰিস্থিতিত তিনিগৰাকী খেলুৱৈয়ে এদিনীয়া আৰু টেষ্ট ফৰ্মেটত ৰোহিত শৰ্মাৰ ঠাইত অধিনায়ক হিচাপে দায়িত্ব লাভ কৰাৰ সম্ভাৱনা আছে ।
ঋষভ পন্ট-
ভাৰতৰ পৰৱৰ্তী এদিনীয়া আৰু টেষ্ট অধিনায়ক হোৱাৰ আটাইতকৈ ডাঙৰ প্ৰতিদ্বন্দ্বী ঋষভ পণ্ট । উইকেটকীপাৰ বেটছমেন হিচাপে ঋষভ পন্টৰ এক আশ্চৰ্যকৰ আৰু উৎকৃষ্ট অভিলেখ আছে । খেলপথাৰৰ যিকোনো খেলুৱৈতকৈ উইকেটকীপাৰে খেলখন বেছি বুজি পায়, গতিকে ঋষভ পণ্টে এদিনীয়া আৰু টেষ্টৰ অধিনায়কত্বত সফল বুলি প্ৰমাণ কৰিব পাৰে । অধিনায়ক হোৱাৰ সকলো গুণ আছে ঋষভ পন্টৰ । শিকাৰ ক্ষেত্ৰত ঋষভ পন্ট বৰ স্মাৰ্ট । ঋষভ পন্টৰ অধিনায়কত্বৰ স্ফুলিংগ, যিটো ভৱিষ্যতে জ্বলন্ত জুইলৈ পৰিণত হ’ব পাৰে । ঋষভ পন্টৰো এম এছ ধোনীৰ দৰে শক্তি আছে যেন বোধ হয় ।
শুভমন গীল-
ষ্টাইলিছ বেটছমেন শুভমন গীল ভাৰতৰ পৰৱৰ্তী এদিনীয়া আৰু টেষ্টৰ অধিনায়ক হোৱাৰ অন্যতম শক্তিশালী প্ৰতিদ্বন্দ্বী । ২৫ বছৰীয়া শুভমন গীল নিৰ্ভীক বেটিং শৈলীৰ বাবে পৰিচিত । বিৰাট কোহলীৰ বেটিঙৰ আভাস শুভমন গীলৰ ক্ষেত্ৰত দেখা যায় । শুভমন গীল কেনেধৰণৰ বেটছমেন সেই কথা বিবেচনা কৰিলে তেওঁ অহা ১০ৰ পৰা ১৫ বছৰলৈ ভাৰতৰ হৈ ক্ৰিকেট খেলিব পাৰিব । শুভমন গীলৰ ভৱিষ্যত অতি উজ্জ্বল, গতিকে তেওঁ টিম ইণ্ডিয়াৰ হৈ দীৰ্ঘদিন খেলিব পাৰে আৰু অধিনায়কৰ ভূমিকাও পালন কৰিব পাৰে । ইতিমধ্যে শুভমন গীলক এদিনীয়া আৰু টি-২০ ফৰ্মেটত টিম ইণ্ডিয়াৰ সহ অধিনায়ক হিচাপে নিযুক্তি দিয়া হৈছে । বি চি চি আইৰ এই সংকেতসমূহে দেখুৱাইছে যে তেওঁলোকৰ শুভমন গীলৰ ওপৰত কিমান আস্থা আছে ।
যশপ্ৰীত বুমৰাহ-
যদি ভাৰতে এদিনীয়া আৰু টেষ্টৰ নতুন অধিনায়ক নিযুক্তি দিবলগীয়া হয় তেন্তে যশপ্ৰীত বুমৰাহ এটা উত্তম বিকল্প । যশপ্ৰীত বুমৰাহ টিম ইণ্ডিয়াৰ অবিচ্ছেদ্য অংগ । কেৱল ভাৰতৰেই নহয়, বিশ্বৰ অন্যতম শ্ৰেষ্ঠ বলাৰ যশপ্ৰীত বুমৰাহ । এজন অধিনায়ক হিচাপে যশপ্ৰীত বুমৰাহে টিম ইণ্ডিয়াৰ হৈ ডাঙৰ ভূমিকা ল’ব পাৰে । বিশ্বৰ যিকোনো খেলপথাৰতে উইকেট লোৱাৰ ক্ষমতা আছে যশপ্ৰীত বুমৰাহৰ । ২০১৬ চনৰ ২৩ জানুৱাৰীৰ পৰা আন্তঃৰাষ্ট্ৰীয় কেৰিয়াৰ আৰম্ভ কৰিছিল যশপ্ৰীত বুমৰাহে । ৪৩ খন টেষ্ট মেচত ১৯৪ টা উইকেট দখল কৰিছে ৩১ বছৰীয়া যশপ্ৰীত বুমৰাহে । ৮৯ খন এদিনীয়া মেচত ১৪৯ টা উইকেট দখল কৰিছে যশপ্ৰীত বুমৰাহে । ভাৰতৰ হৈ যশপ্ৰীত বুমৰাহে ৭০ খন টি-২০ আন্তঃৰাষ্ট্ৰীয় মেচত ৮৯ টা উইকেট দখল কৰিছে ।
