ইউক্ৰেইনৰ বিৰুদ্ধে ৩ বছৰীয়া যুদ্ধত অবিৰতভাৱে আধিপত্য বিস্তাৰ কৰি থকা ৰাছিয়াৰ বিৰুদ্ধে এতিয়া নাটোৱে এক বৃহৎ কাৰ্য্য পৰিকল্পনাৰ প্ৰস্তুত কৰিছে।ৰাছিয়াৰ বিৰুদ্ধে এক বৃহৎ কৌশল প্ৰস্তুত কৰাৰ ইংগিত দিছে নাটোৱে।
ইয়াৰ পিছতে নাটোৰ মুখ্য কাৰ্যালয়ত ৩০খন দেশৰ প্ৰতিৰক্ষা মন্ত্ৰীৰ বৃহৎ বৈঠক আহ্বান কৰিছে।ইয়াৰ নেতৃত্বত আছে ব্ৰিটেইন আৰু ফ্ৰান্স, যিয়ে বৃহস্পতিবাৰে প্ৰায় ৩০খন দেশৰ প্ৰতিৰক্ষা মন্ত্ৰীৰ বৈঠক আহ্বান কৰিছে।
নাটোৱে কয় যে এই বৈঠকৰ উদ্দেশ্য হৈছে ৰাছিয়াৰ সৈতে ভৱিষ্যতে হোৱা যিকোনো শান্তি চুক্তিৰ ওপৰত নজৰ ৰখা, ইউক্ৰেইনত সৈন্য নিয়োগ কৰাৰ পৰিকল্পনা সন্দৰ্ভত আলোচনা হ’ব।
উত্তৰ আটলাণ্টিক সন্ধি সংস্থাৰ মুখ্য কাৰ্যালয়ত অনুষ্ঠিত হ’বলগীয়া এই বৈঠকত তথাকথিত মিত্ৰতাৰ সৈতে জড়িত দেশসমূহৰ প্ৰতিৰক্ষা মন্ত্ৰীসকলৰ প্ৰথমখন বৈঠক হ’ব।
যোৱা সপ্তাহত ব্ৰিটিছ আৰু ফ্ৰান্সৰ জ্যেষ্ঠ সামৰিক বিষয়াসকলে কিয়েভ ভ্ৰমণ কৰাৰ পিছতে এই বৈঠক অনুষ্ঠিত হৈছে। পূৰ্বৰ নেতাসকলৰ মাজত হোৱা বৈঠকখনত চুক্তিক সুনিৰ্দিষ্ট ৰূপ দিয়াৰ কাম কৰা হ’ব বুলি আশা কৰা হৈছে।
এই বৈঠকত আমেৰিকাই অংশগ্ৰহণ নকৰে।শুকুৰবাৰে ইউক্ৰেইনৰ প্ৰতি সামৰিক সমৰ্থন লাভ কৰিবলৈ প্ৰায় ৫০খন দেশৰ প্ৰতিনিধিয়ে নাটোৰ মুখ্য কাৰ্যালয়ত একত্ৰিত হ’ব।
এই বৈঠকৰ অধ্যক্ষতা হ’ব ব্ৰিটেইন আৰু জাৰ্মানীয়ে। আমেৰিকাৰ প্ৰতিৰক্ষা সচিব পিট হেগছেথে উপস্থিত থকাৰ সম্ভাৱনা নাই।
ইউক্ৰেইনৰ চৰকাৰী বিষয়া আৰু সামৰিক বিশ্লেষকসকলে কৈছে যে কিয়েভৰ ওপৰত হেঁচা বৃদ্ধি কৰাৰ লগতে যুদ্ধবিৰতি আলোচনাত ক্ৰেমলিনৰ স্থিতি শক্তিশালী কৰিবলৈ ৰাছিয়াৰ বাহিনীয়ে অনাগত সপ্তাহত ইউক্ৰেইনত নতুন সামৰিক আক্ৰমণ আৰম্ভ কৰাৰ প্ৰস্তুতি চলাইছে।
