২০০৮ চনত মুম্বাইৰ ২৬/১১ ৰ সন্ত্ৰাসবাদী আক্ৰমণৰ বিচাৰত ভাৰতে এক গুৰুত্বপূৰ্ণ সফলতা অৰ্জন কৰিছে।কাৰাগাৰত বন্দী পাকিস্তানী মুলৰ কানাডিয়ান ব্যৱসায়ী তাহাৱুৰ ৰাণাক অতি শীঘ্ৰেই ভাৰতলৈ অনা হ’ব পাৰে।
আমেৰিকা যুক্তৰাষ্ট্ৰৰ আপীল আদালতৰ ন্যায়াধীশৰ এটা পেনেলে তাহাৱুৰ ৰাণাক ভাৰতলৈ প্ৰত্যাৰ্পণৰ নিৰ্দেশ দিছে।ইয়াৰ পিছত, কূটনৈতিক মাধ্যমৰ জৰিয়তে তাহাৱুৰ ৰাণাক ভাৰতলৈ অনাৰ প্ৰক্ৰিয়া আৰম্ভ হৈছে।
ৰাষ্ট্ৰীয় অনুসন্ধান সংস্থাই (এনআইএ) ২০০৮ চনত লস্কৰ-ই-তৈবা সন্ত্ৰাসবাদীৰ দ্বাৰা সংঘটিত ২৬/১১ মুম্বাই আক্ৰমণত তাহাৱুৰ ৰাণাৰ কথিত ভূমিকাৰ তদন্ত কৰি আছে।
আমেৰিকা যুক্তৰাষ্ট্ৰৰ আদালতে ৰাণাৰ প্ৰত্যাৰ্পণৰ বাবে সেউজ সংকেত দিছে। আমেৰিকা যুক্তৰাষ্ট্ৰৰ আদালতে ২০২৪ চনৰ আগষ্টত ৰায় দিছিল যে ভাৰত-আমেৰিকা যুক্তৰাষ্ট্ৰৰ প্ৰত্যাৰ্পণ চুক্তিৰ অধীনত ৰাণাক ভাৰতলৈ প্ৰত্যাৰ্পণ কৰা উচিত।
ৰাণাৰ বিৰুদ্ধে ২৬/১১ ৰ মাষ্টাৰমাইণ্ড ডেভিদ কোলমেন হেডলীক সহায় কৰাৰ অভিযোগ আছে। হেডলীয়ে মুম্বাইৰ স্থান সমূহৰ তথ্য উলিৱাইছিল।
ইয়াৰ পূৰ্বে ভাৰতে আমেৰিকা যুক্তৰাষ্ট্ৰৰ আদালতত শক্তিশালী প্ৰমাণ উপস্থাপন কৰিছিল, য’ত ৰাণাৰ জড়িত থকাস্পষ্টভাৱে দেখা গৈছিল।
আদালতে স্পষ্ট কৰি দিছিল যে ভাৰতত ৰাণাৰ বিৰুদ্ধে আৰোপ আমেৰিকা যুক্তৰাষ্ট্ৰৰ আদালতৰ গোচৰতকৈ পৃথক আছিল। দুয়োখন দেশৰ মাজত হোৱা চুক্তিৰ অধীনত ৰাণাক ভাৰতলৈ প্ৰত্যাৰ্পণ কৰিব পাৰি।
তাহাৱুৰ ৰাণাক ২৬/১১ ৰ আক্ৰমণত তেওঁৰ কথিত ভূমিকাৰ বাবে ভাৰতৰ দ্বাৰা প্ৰত্যাৰ্পণৰ অনুৰোধত আমেৰিকা যুক্তৰাষ্ট্ৰত গ্ৰেপ্তাৰ কৰা হৈছিল।
তাহাৱুৰ ৰাণাৰ জন্ম পাকিস্তানত হৈছিল। তেওঁ আৰ্মি মেডিকেল কলেজত অধ্যয়ন কৰিছিল আৰু পাকিস্তান সেনাত ১০ বছৰ চিকিৎসক হিচাপে কাম কৰিছিল।পিছত তেওঁ চাকৰি এৰি দিছিল।
তাহাৱুৰ ৰাণা বৰ্তমান কানাডাৰ নাগৰিক। আদালতৰ দস্তাবেজ অনুসৰি, তেওঁ কানাডা, পাকিস্তান, জাৰ্মানী আৰু ইংলেণ্ড ভ্ৰমণ কৰিছে আৰু বাস কৰিছে।
দস্তাবেজসমূহে প্ৰকাশ কৰে যে ২০০৬ চনৰ পৰা ২০০৮ চনৰ নৱেম্বৰ লৈকে তাহাৱুৰ ৰাণাই পাকিস্তানৰ ডেভিদ হেডলী আৰু অন্যান্যসকলৰ সৈতে ষড়যন্ত্ৰ কৰিছিল। সন্ত্ৰাসবাদী হেডলী এই ক্ষেত্ৰত অনুমোদনকাৰী হৈ পৰিছে।
