দিল্লী আন্তঃৰাষ্ট্ৰীয় বিমানবন্দৰ অৰ্থাৎ আই জি আই দেশৰ প্ৰথম আৰু একমাত্ৰ বিমানবন্দৰত পৰিণত হৈছে য’ৰ পৰা ১৫০খন চহৰলৈ প্ৰত্যক্ষ বিমান সেৱা আছে । এই চহৰখন দেশ আৰু বিশ্বৰ ১৫০ খন ভিন্ন চহৰৰ সৈতে সংযুক্ত হৈ আছে । ১৬ ডিচেম্বৰৰ পৰা নতুন দিল্লীৰ পৰা বেংকক-ডান মুয়াং বিমান সেৱা আৰম্ভ হোৱাৰ লগে লগে দিল্লীৰ ইন্দিৰা গান্ধী বিমানবন্দৰৰ নামত এই অভিলেখ গঢ়ি উঠে ।
দিল্লীৰ আই জি আই বিমানবন্দৰৰ নামত নতুন অভিলেখ-
দিল্লী বিমানবন্দৰ ১৫০ টা গন্তব্যস্থানক সংযোগ কৰা ভাৰতৰ প্ৰথমটো বিমানবন্দৰ হিচাপে পৰিগণিত হৈছে । শেহতীয়াকৈ থাই এয়াৰ এছিয়া এক্সে দিল্লী আৰু বেংকক-ডন মুয়াং (ডি এম কে)ৰ মাজত পোনপটীয়া বিমান সেৱাৰ শুভাৰম্ভ কৰে । এয়াৰবাছ এ৩৩০ বিমানেৰে পৰিচালিত এই পথটো প্ৰথমে সপ্তাহত দুবাৰকৈ চলাচল কৰিব ।
২০২৫ চনৰ জানুৱাৰী মাহৰ মাজভাগলৈকে ইয়াৰ ফ্ৰিকুৱেঞ্চি সপ্তাহত চাৰিবাৰলৈ বৃদ্ধি কৰাৰ পৰিকল্পনা কৰা হৈছে । এই কৃতিত্বৰ ওপৰত প্ৰতিক্ৰিয়া প্ৰকাশ কৰি ডায়েলৰ চি ই অ’ বিদেহ কুমাৰ জয়পুৰীয়াৰে কয় যে, “১৫০টা গন্তব্যস্থানক সংযোগ কৰাৰ এই মাইলৰ খুঁটি বিশ্বৰ সংযোগ বৃদ্ধি আৰু বিশ্বমানৰ ভ্ৰমণ অভিজ্ঞতা প্ৰদানৰ বাবে আমাৰ অটল প্ৰতিশ্ৰুতিৰ প্ৰমাণ । ভাৰতক বিমান পৰিবহণৰ এক নতুন যুগলৈ লৈ যোৱাৰ বাবে আমি গৌৰৱান্বিত আৰু সমগ্ৰ বিশ্বৰ ভ্ৰমণকাৰীৰ বাবে পছন্দৰ কেন্দ্ৰ হ’বলৈ উৎসৰ্গিত ।”
