বৃহস্পতিবাৰে ৰাষ্ট্ৰপতি দ্ৰৌপদী মুৰ্মুৱে ১৭ টি শিশুক ‘প্ৰধানমন্ত্ৰী ৰাষ্ট্ৰীয় বাল পুৰস্কাৰ’ প্ৰদান কৰে । কলা, সংস্কৃতি, ক্ৰীড়াকে ধৰি বিভিন্ন ক্ষেত্ৰত অসাধাৰণ সাহস আৰু অসাধাৰণ কৃতিত্বৰ বাবে এই বঁটা প্ৰদান কৰা হয় । এই বঁটাসমূহ সাতটা শিতানত প্ৰদান কৰা হয়- শিল্প আৰু সংস্কৃতি, সাহস, উদ্ভাৱন, বিজ্ঞান আৰু প্ৰযুক্তি, সমাজ সেৱা, ক্ৰীড়া আৰু পৰিৱেশ । এইবাৰ ১৪খন ৰাজ্য আৰু কেন্দ্ৰীয় শাসিত অঞ্চলৰ পৰা নিৰ্বাচিত ৭ জন ল’ৰা আৰু ১০ গৰাকী ছোৱালীক এই বঁটাৰে সন্মানিত কৰা হয় । এই বঁটাৰ অধীনত শিশুসকলক পদক, প্ৰমাণ পত্ৰ আৰু প্ৰশস্তি পুস্তিকা প্ৰদান কৰা হয় । ইফালে প্ৰধানমন্ত্ৰী নৰেন্দ্ৰ মোদীয়ে সন্মানিত শিশুসকলক সাক্ষাৎ কৰে । এই সময়ছোৱাত তেওঁ বঁটাপ্ৰাপ্ত শিশুসকলৰ সৈতে বাৰ্তালাপ কৰে ।
কোন শিশু আৰু কি পুৰস্কাৰ হিচাপে পায় ?
১৯৯৬ চনত আৰম্ভ হৈছিল প্ৰধানমন্ত্ৰী ৰাষ্ট্ৰীয় বাল পুৰস্কাৰ । মহিলা আৰু শিশু উন্নয়ন মন্ত্ৰালয়ে প্ৰধানমন্ত্ৰী ৰাষ্ট্ৰীয় বাল পুৰস্কাৰৰ বাবে শিশুক বাছনি কৰে । এই বঁটা লাভ কৰা শিশুসকলক এক লাখ টকা ধনৰ লগতে প্ৰমাণ পত্ৰও দিয়া হয় ।
এই শিতানত বঁটা প্ৰদান কৰা হয়-
ইয়াৰ পূৰ্বে প্ৰধানমন্ত্ৰী বাল পুৰস্কাৰক ৬টা শিতানত দিয়া হৈছিল, যিটো এতিয়া ৭টালৈ বৃদ্ধি কৰা হৈছে । এই বঁটাসমূহ এতিয়া কলা-সংস্কৃতি, সাহস, উদ্ভাৱন, শিক্ষা, সমাজসেৱা আৰু ক্ৰীড়া আদিত বিজ্ঞান আৰু প্ৰযুক্তিবিদ্যা শিতানত দিয়া হয় ।
