সমগ্ৰ দেশতেই হোলীৰ আনন্দত মতলিয়া হৈছে লোকসকল।এই সময়ত যিমান সম্ভৱ কম ৰঙেৰে হোলী খেলিবলৈ আৰু চুলিৰ যত্ন লোৱাৰ চেষ্টা কৰিব লাগে।
হোলী খেলাৰ সময়ত ৰাসায়নিক-আধাৰিত ৰং আৰু ৰঙীন পানীয়ে চুলি ক্ষতিগ্ৰস্ত কৰিব পাৰে।হোলীৰ ফলত মহিলাসকলৰ দীঘল চুলি শুকান আৰু নিষ্প্ৰাণ হৈ পৰে।
ইয়াৰ বাবে, ঘৰতে হেয়াৰ মাক্স বনাব পাৰে যিয়ে চুলিক পৰ্যাপ্ত আৰ্দ্ৰতা প্ৰদান কৰাত কাৰ্যকৰী হয়।এই চুলিৰ মাক্সবোৰ প্ৰয়োগ কৰিলে চুলিৰ পৰা হোলীৰ ৰং আঁতৰ হ’ব, মূৰৰ ছালত জমা হোৱা লেতেৰা পৰিষ্কাৰ কৰিব। এই হেয়াৰ মাক্সবোৰ কেনেদৰে বনাব লাগে জানো আহক।
কণী আৰু দৈ – এই হেয়াৰ মাক্সটো প্ৰয়োগ কৰিলে কেৱল চুলি কোমল হোৱাই নহয় ইয়াৰ ফলত চুলিখিনি অত্যন্ত নিমজ দেখায়।
দৈৰ বাটি এটাত এটা কণী লওঁক, ইয়াক ভালদৰে মিশ্ৰণ কৰি লওক, আৰু চুলিত প্ৰয়োগ কৰক।কণীৰ হেয়াৰ মাস্কটো আধা ঘণ্টাৰ বাবে প্ৰয়োগ কৰাৰ পিছত, ইয়াক পৰিষ্কাৰ কৰিবলৈ চুলিখিনি ধুই দিব। চুলি হাইড্ৰেটেড হয়।
গাখীৰ আৰু মৌ- গাখীৰ আৰু মৌয়ে চুলি ঘন আৰু কোমল কৰাত অলৌকিক প্ৰভাৱিত কৰে। এটা বাটিত গাখীৰ আৰু সমান পৰিমাণৰ মৌ মিহলি কৰক আৰু ইয়াক চুলিত প্ৰয়োগ কৰক।
এই মাস্কটো মূৰত প্ৰয়োগ কৰিবলৈ আপোনাৰ আঙুলি বা কপাহ ব্যৱহাৰ কৰক। ২০ মিনিটৰ পিছত, আপোনাৰ চুলিখিনি ধুব।
কল আৰু নাৰিকল তেল- এই পুষ্টিসমৃদ্ধ হেয়াৰ মাস্কটো তৈয়াৰ কৰিবলৈ, এটা কল আৰু ২-৩ চামুচ নাৰিকল তেলত মিহলি কৰক। ইয়াক গুৰিৰ পৰা আপোনাৰ চুলিত প্ৰয়োগ কৰক আৰু ইয়াক আধা ঘণ্টাৰ বাবে এৰি দিয়ক।ইয়াক ৪৫ মিনিটলৈকে ৰাখিব পাৰি। তাৰ পিছত, আপোনাৰ চুলি ধুব । চুলিৰ শুষ্কতা আঁতৰ হ’ব।
চাউলৰ পানী- চুলিৰ হেৰুওৱা উজ্জ্বলতা পুনৰুদ্ধাৰ কৰিবলৈ চাউলৰ পানী হেয়াৰ মাস্কৰ দৰে প্ৰয়োগ কৰিব পাৰি। একাপ চাউল দুকাপ পানীত তিয়াই আধা ঘণ্টালৈ থৈ দিয়ক।আধা ঘণ্টাৰ পিছত, পানীখিনি চেকি ল’ব।
এই পানীখিনি কপাহ ব্যৱহাৰ কৰি চুলিৰ গুৰিত ভালদৰে প্ৰয়োগ কৰক, আৰু তাৰ পিছত ভালদৰে মালিচ কৰক। আধা ঘণ্টাৰ পিছত, আপোনাৰ মুৰটো ধুই পৰিষ্কাৰ কৰক। শুষ্কতা হ্ৰাস হ’ব।
