বলীউডৰ অভিনেতা অক্ষয় কুমাৰক লৈ এটা খবৰ পোহৰলৈ আহিছে। শ্বুটিঙৰ সময়ত আঘাতপ্ৰাপ্ত হৈছে অভিনেতা গৰাকী। জানিব পৰা মতে অক্ষয় কুমাৰে ‘হাউচফুল ৫’ৰ শ্বুটিঙৰ সময়ত চকুত আঘাত পাইছিল।
ইয়াৰ বাবে, চলচ্চিত্ৰখনৰ দৃশ্যগ্ৰহণো বন্ধ কৰিব লগিয়া হৈছে। অৱশ্যে, ‘হাউচফুল ৫’ আৰু অক্ষয় কুমাৰৰ দলৰ পৰা এই বিষয়ে কোনো খবৰ প্ৰকাশ কৰা হোৱা নাই।
জানিব পৰা মতে দৃশ্যগ্ৰহণৰ সময়ত ষ্টান্ট কৰি থাকোতে এটা বস্তু উৰি আহি অক্ষয় কুমাৰৰ চকুত পৰিছিল। যাৰ পিছত এজন চকু বিশেষজ্ঞকলগে লগে ছেটত মাতি অনা হৈছিল।
যিয়ে চকুত বেণ্ডজ মাৰি দিয়াৰ লগতে অভিনেতাজনক বৰ্তমানৰ বাবে বিশ্ৰাম ল’বলৈ কৈছে। একে সময়তে, আন অভিনেতাসকলে পুনৰ ছবিখনৰ দৃশ্যগ্ৰহণ আৰম্ভ কৰিছে।
জানিব পৰা মতে অক্ষয় কুমাৰে পুনৰ দৃশ্যগ্ৰহণ আৰম্ভ কৰিব বিচাৰিছে।কাৰণ তেওঁৰ কাৰণে ছবিখনৰ দৃশ্যগ্ৰহণ আধাতে ৰৈ থকাটো তেওঁ বিচৰা নাই।
বৰ্তমান, হাউচফুল ৫-ৰ শ্বুটিং অন্তিম পৰ্যায়ত আছে। সোনকালেই গোটেই দলটোৱে ইয়াক সম্পূৰ্ণ কৰিব আৰু তাৰ পিছত প্ৰযোজনাৰ পিছৰ কাম আৰম্ভ হ’ব।
