সমগ্ৰ দেশৰ লোকসকল নৱবৰ্ষ উদযাপনত নিমজ্জিত হৈ থকাৰ সময়তে মহাৰাষ্ট্ৰৰ জালনা জিলাত এটা শোকাৱহ পথ দুৰ্ঘটনা সংঘটিত হৈছে। দুৰ্ঘটনাটোত চাৰিজন লোক নিহত হোৱাৰ লগতে আন দুজন আহত হৈছে।
আৰক্ষীয়ে জনোৱা অনুসৰি, ৰৈ থকা এখন গাড়ী ট্ৰাকত খুন্দা মাৰে তীৰ্থ যাত্ৰী কঢ়িয়াই নিয়ে বাহনখনে। যাৰ ফলত দুৰ্ঘটনাটো সংঘটিত হয়।
ঘটনাটো আক্কালকোট তালুকাত সংঘটিত হৈছিল। জানিব পৰা মতে নান্দেদ জিলাৰ পৰা এখন স্ক’ৰপিঅ বাহনত তীৰ্থযাত্ৰী দলটোৱে গংগাপুৰলৈ গৈ আছিল।
ঘন কুঁৱলীৰ ফলত স্ক’ৰপিঅ বাহনখনে পথৰ দাঁতিত ৰৈ থকা ট্ৰাকখনত খুন্দা মাৰে। যাৰ ফলত একেটা পৰিয়ালৰে দুজন পুৰুষ আৰু দুগৰাকী মহিলাৰ মৃত্যু হয়।ঘটনাটোৰ পিছত আক্কালকোট আৰক্ষী দুৰ্ঘটনাস্থলীলৈ গৈ আহত সকলক চিকিৎসালয়ত ভৰ্তি কৰাই।
