ভাৰতীয় সামৰিক বাহিনীৰ শক্তি এতিয়া বহুগুণে বৃদ্ধি হ’বলৈ গৈ আছে । কিয়নো শক্তিশালী ৩১ এম কিউ-৯বি প্ৰিডেটৰ ড্ৰোন ক্ৰয়ৰ বাবে আমেৰিকা যুক্তৰাষ্ট্ৰৰ সৈতে ৩২,০০০ কোটি টকাৰ চুক্তি স্বাক্ষৰ কৰিছে ভাৰতে । এই চুক্তি ৩১ অক্টোবৰৰ পূৰ্বে সম্পন্ন নোহোৱা হ’লে যথেষ্ট পলম হোৱাৰ সম্ভাৱনা আছিল ।
এই চুক্তিৰ অধীনত ভাৰতত ড্ৰোনৰ তত্বাৱধান, মেৰামতি আৰু পৰিৱৰ্তনৰ বাবেও এক সুবিধা নিৰ্মাণ কৰা হ’ব । অৰ্থাৎ এই চুক্তিৰ মুঠ মূল্য হৈছে ৩৪,৫০০ কোটি টকা । এই চুক্তিৰ অধীনত, ৩১ খন ড্ৰোনৰ ভিতৰত, তিনিওটা বাহিনীয়ে বিভিন্ন সংখ্যক ড্ৰোন লাভ কৰিব ।
প্ৰধানমন্ত্ৰী নৰেন্দ্ৰ মোদীয়ে যোৱা বছৰ ২১ ৰ পৰা ২৪ জুনলৈ আমেৰিকা ভ্ৰমণ কৰিছিল । সেই সময়ছোৱাত, আমেৰিকা যুক্তৰাজ্যই ৩১ খন এইচ এ ই এল ড্ৰোনৰ প্ৰস্তাৱ দিছিল । HALE মানে High Altitude Long Endurance । অৰ্থাৎ এই এম কিউ-৯বি হাণ্টাৰ কিলাৰ ড্ৰ’নে উচ্চ উচ্চতাত দীঘলীয়া সময়ৰ বাবে উৰিব পাৰে । ইয়াক প্ৰিডেটৰ বা ৰিপাৰ বুলিও কোৱা হয় ।
এই ড্ৰোনৰ বিশেষত্ব কি…
পৃথিৱীৰ আটাইতকৈ বিপদজনক ড্ৰোন হৈছে এম কিউ-৯বি প্ৰিডেটৰ । পূৰ্বে খবৰ পোৱা গৈছিল যে এই ড্ৰোনবোৰ চাৰিটা ঠাইত মোতায়েন কৰা হ’ব । চেন্নাইত আই এন এছ ৰাজালী, গুজৰাটৰ পোৰবন্দৰত ভাৰতীয় নৌসেনাৰ দ্বাৰা পৰিচালিত হ’ব । বায়ু সেনা আৰু স্থল সেনাই ইয়াক গোৰখপুৰ আৰু সৰসাৱা বায়ু সেনা ঘাটিত পৰিচালনা কৰিব । কাৰণ এইকেইটা হৈছে দীঘল ৰানৱে ।
গোৰখপুৰ আৰু সৰসাৱা ঘাটিসমূহে চীনৰ প্ৰকৃত নিয়ন্ত্ৰণ ৰেখা, লাডাখ আৰু অৰুণাচল প্ৰদেশ নিৰীক্ষণ কৰা সহজ কৰি তুলিব । ১৫ খন ড্ৰোন সাগৰীয় অঞ্চল নিৰীক্ষণৰ বাবে ৰখা হ’ব । বাকীবোৰ চীন আৰু পাকিস্তানৰ সীমা ৰক্ষা কৰিবলৈ নিয়োজিত কৰা হ’ব ।
এই শক্তিশালী গুপ্তচৰ ড্ৰোনৰ শক্তি কিমান-
আল কায়দাৰ নেতা আয়মান আল-জাৱাহিৰী এই ড্ৰোন আক্ৰমণত নিহত হৈছিল । ইয়াক যিকোনো ধৰণৰ অভিযানৰ বাবে প্ৰেৰণ কৰিব পাৰি । যেনে নিৰীক্ষণ, গুপ্তচৰবৃত্তি, তথ্য সংগ্ৰহ কৰা বা শত্ৰুৰ লক্ষ্যত আক্ৰমণ কৰা । এই ড্ৰোন দীঘলীয়া সময়ৰ বাবে আৰু অধিক উচ্চতাৰ পৰা নিৰীক্ষণ কৰিবলৈ সক্ষম ।
১৯০০ কিলোমিটাৰ পৰিসৰ, ১৭০০ কিলোগ্ৰাম অস্ত্ৰ কঢ়িয়াবলৈ সক্ষম-
ইয়াৰ পৰিসৰ ১৯০০ কিলোমিটাৰ । ই ইয়াৰ সৈতে ১৭০০ কিলোগ্ৰাম ওজনৰ অস্ত্ৰ কঢ়িয়াই নিব পাৰে । দুজন কম্পিউটাৰ অপাৰেটৰে গ্ৰাউণ্ড ষ্টেচনত বহি ভিডিঅ’ গেমৰ দৰে এই ড্ৰোন পৰিচালনা কৰিব পাৰে । এই ড্ৰোনৰ দৈৰ্ঘ্য হৈছে ৩৬.১ ফুট, উইং স্পেন ৬৫.৭ ফুট, উচ্চতা ১২.৬ ফুট । এই ড্ৰোনৰ খালী ওজন ২,২২৩ কিলোগ্ৰাম ।
ড্ৰনটোৰ ইন্ধনৰ ক্ষমতা ১৮০০ কিলোগ্ৰাম । ইয়াৰ শীৰ্ষ গতি বেগ ৪৮২ কিমি/ঘণ্টা । ই শত্ৰুক ৫০ হাজাৰ ফুট উচ্চতাৰ পৰা নিৰীক্ষণ কৰিব পাৰে আৰু মিছাইলেৰে আক্ৰমণ কৰিব পাৰে । ইয়াক সাধাৰণতে ২৫ হাজাৰ ফুট উচ্চতাত উৰোৱা হয় ।
৭ টা হাৰ্ড পইণ্ট…
অস্ত্ৰৰ নামত এম কিউ ৯ প্ৰিডেটৰত মিছাইল স্থাপন কৰা হয় । ইয়াত সাতটা পাৰ্ড পইণ্ট, দুটা ইনব’ৰ্ড ষ্টেচন, দুটা মিডল ষ্টেচন, এটা আউটবোৰ্ড ষ্টেচন আৰু এটা চেণ্টাৰ ষ্টেচন থাকে। ইয়াত ৪ টা এ জি এম-১১৪ হেলফায়াৰ মিছাইল থাকে, ই বায়ুৰ পৰা মাটিলৈ সঠিকভাৱে আক্ৰমণ কৰিবলৈ সক্ষম ।
ইয়াৰ উপৰিও, দুটা লেজাৰ গাইডেড জি বি ইউ-১২ পেভৱে ২ বোমাও স্থাপন কৰা হয় । এই দুটাৰ সলনি, এই ড্ৰোনত বিভিন্ন প্ৰকাৰৰ অস্ত্ৰ ব্যৱহাৰ কৰিব পৰা যায় । উদাহৰণ স্বৰূপে, জি বি ইউ-৩৮, যি হৈছে এক যুটীয়া পোনপটীয়া আক্ৰমণ কৰিব পৰা অস্ত্ৰ । ইয়াৰ উপৰিও, ব্ৰিমষ্টোন মিছাইলো স্থাপন কৰিব পাৰি । সকলো মিছাইল আৰু বোমা প্ৰয়োজন অনুসৰি ব্যৱহাৰ কৰা হয় ।
