ছলমান খান আৰু ৰশ্মিকা মাণ্ডন্নাৰ ছবি ‘চিকন্দৰ’ এ আশা কৰা ধৰণে উপাৰ্জন কৰিবলৈ সক্ষম হোৱা নাই।এ আৰ মুৰুগাডোছৰ এই ছবিখনে বক্স অফিচত লাহে লাহে আৰম্ভণি কৰিছিল।
ক্ৰমান্বয়ে ইয়াৰ গতি অলপ বৃদ্ধি পাব বুলি বিশ্বাস কৰা হৈছিল যদিও সেয়া নহ’ল। এই ছবিখনে এতিয়ালৈকে ৯৩.৭৫ কোটি টকাৰ হে ব্যৱসায় কৰিছে। যোৱা সপ্তাহত ঈদ উপলক্ষে চিকন্দৰ ছবিগৃহত মুক্তি পাইছিল।
দেওবাৰে মুক্তি পোৱাৰ বাবে ছবিখন শুকুৰবাৰ আৰু শনিবাৰৰ উপাৰ্জনৰ পৰা বঞ্চিত হৈছিল যদিও এই শুকুৰবাৰৰ উপাৰ্জনে বেলেগ কাহিনী কৈছে।
ছলমান খানৰ পুৰণি ছবিৰ উপাৰ্জনৰ তুলনা ‘চিকন্দৰ’ৰ সৈতে কৰিলে স্পষ্ট হৈ পৰে যে চিকন্দৰ বক্স অফিচত ফ্লপ বুলি প্ৰমাণিত হৈছে।দ্বিতীয় শুকুৰবাৰে ‘চিকন্দৰে’ প্ৰায় ৩.৫ কোটি টকা উপাৰ্জন কৰিছে।
ছলমান খানৰ ‘টাইগাৰ ৩’ ছবিখনৰ যদি ৬ তাৰিখে উপাৰ্জনৰ কথা কওঁ, তেন্তে এই সংখ্যা প্ৰায় ১৩.২৫ কোটি আছিল।মাত্ৰ পাঁচ দিনতে ছলমান খানৰ চিকন্দৰে বিশ্বজুৰি ১৬৯.৭৮ কোটি টকা উপাৰ্জন কৰিছে।
এই ছবিখনত ছলমান আৰু ৰশ্মিকাৰ উপৰিও কাজল আগৰৱালা, সত্যৰাজ, শৰ্মান যোশী, সঞ্জয় কাপুৰ আৰু প্ৰতীক বাব্বৰে গুৰুত্বপূৰ্ণ চৰিত্ৰত অভিনয় কৰিছে।
