শুকুৰবাৰে লণ্ডনৰ নাইন এলমচ অঞ্চলত আমেৰিকা যুক্তৰাষ্ট্ৰৰ দূতাবাসৰ ওচৰত এটা সন্দেহজনক পেকেজ উদ্ধাৰ কৰা ঘটনাই এক আলোড়নৰ সৃষ্টি হৈছে।এই ঘটনাৰ পিছত মেট্ৰ’পলিটান পুলিচে এটা নিৰাপদ স্থানলৈ নি বিস্ফোৰণ সংঘটিত কৰিছিল।
আমেৰিকা যুক্তৰাষ্ট্ৰৰ দূতাবাসে কৈছিল যে এটা সন্দেহজনক পেকেজ উদ্ধাৰ হোৱাৰ পিছতেই সাৱধানতা হিচাপে পন্টন ৰোড বন্ধ কৰা হৈছিল।
মেট্ৰ’ আৰক্ষীৰ দলটো তৎক্ষণাৎ ঘটনাস্থলীত উপস্থিত হৈছিল আৰু অঞ্চলটো ঘেৰাও কৰি তদন্ত আৰম্ভ কৰিছিল।নিৰাপত্তাৰ বাবে বন্ধ কৰি দিয়া হৈছিল সমগ্ৰ অঞ্চল।
মেট্ৰ’পলিটান পুলিচে নিশ্চিত কৰিছে যে এটা নিৰাপদ অঞ্চললৈ নি বিস্ফোৰণটো সংঘটিত কৰোৱা হয়। ঘটনাটোৰ পিছতেই নিৰাপত্তা বৃদ্ধি কৰা হৈছে আৰু অঞ্চলটো ঘেৰাও কৰা হৈছে।
