ধনশ্ৰী আৰু যুজবেন্দ্ৰ চাহালৰ বিবাহ বিচ্ছেদৰ ১২ দিন হ’ল। দুয়োজনে পাৰস্পৰিক সন্মতিৰে ৫ বছৰীয়া সম্পৰ্ক শেষ কৰি দুয়ো পৃথক হয়।
তাৰ মাজতে আৰ জে মাহভিশ আৰু যুজবেন্দ্ৰ চাহালৰ সম্পৰ্কৰ কথাই কিছুদিনৰ পৰা শিৰোনাম দখল কৰি আহিছে।সকলোৱে জানিব বিচাৰে যে তেওঁলোক দুয়োৰে মাজত সঁচাকৈ কি সম্পৰ্ক আছে ?
ছ’চিয়েল মিডিয়াত দুয়োৰে কিছু ভিডিঅ’ ভাইৰেল হোৱাৰ লগে লগে বহুতে কৈছে যে ধনশ্ৰী যোৱাৰ লগে লগে চাহালৰ জীৱনলৈ আহিছে আৰ জে মাহভিশ।
বহুবাৰ আৰ জে মাহভিশে এই বাতৰি মিছা বুলি দাবী কৰিছে যদিও শেহতীয়াকৈ তেওঁৰ এটা ভিডিঅ’ ভাইৰেল হৈছে। য’ত মাহভিশে কৈছে যে “মোৰ জীৱনলৈ যদি কোনো ল’ৰা আহে তেন্তে তেওঁ একমাত্ৰ হ’ব, তেওঁ মোৰ বন্ধু হ’ব, তেওঁ মোৰ বেষ্ট ফ্ৰেণ্ড হ’ব আৰু তেওঁ মোৰ স্বামীও হ’ব।
এই পোষ্টটো শ্বেয়াৰ কৰি তেওঁ কেপচনত লিখিছে, ‘এটাই থাকিব।’ মাহবিশৰ এই পোষ্টটো যুজবেন্দ্ৰ চাহালে লাইক কৰিছে।
আনহাতে এটা অনুষ্ঠানত আৰ জে মাহভিশে কৈছে যে ‘তেওঁ কাৰোৰে সৈতে প্ৰেমৰ সম্পৰ্কত নাই। মই ছিংগল আৰু সুখত আছো। বৰ্তমান সময়ত বিবাহৰ ধাৰণাটো বুজি নোপোৱা হৈছো’।
‘মই যাৰে তাৰে লগত ডেটিত নাযাওঁ। মই কেৱল সেই জনৰ লগত হে ডেটিঙত যাম যাৰ লগত বিবাহ পাশত আৱদ্ধ হম। বৰ্তমান মই কাকো ডেট কৰি থকা নাই’।
তেওঁ লগতে কয় যে ‘ সামাজিক মাধ্যমত মানুহে কৰা ট্ৰলিং বা কোনো কথাই তেওঁ গুৰুত্ব নিদিয়ে’।
