কোৰিয়ান ৱেব ছিৰিজ স্কুইড গেমৰ দ্বিতীয় ছিজনক লৈ অনুৰাগীসকল অতিশয় উৎসাহিত হৈ আছে । এই ছিৰিজৰ দ্বিতীয় ছিজন ২৬ ডিচেম্বৰত মুক্তি পাব । লগতে মুকলি কৰা হৈছে এই ছিৰিজৰ ট্ৰেইলাৰ । ট্ৰেইলাৰ মুক্তি পোৱাৰ লগে লগে ইয়াৰ ওপৰত বহু চৰ্চা হৈছে । অনুৰাগীসকলে ট্ৰেইলাৰটো ভাল পাইছে । এইবাৰো শ্ব’টোত দেখা যাব মৃত্যুৰ খেল ।
জীৱন আৰু মৃত্যুৰ মাজত ঘূৰি থকা স্কুইড গেমৰ কাহিনী-
এই ছিৰিজত টকা-পইচা আৰু মৃত্যুৰ আশে-পাশে ঘূৰি থকা এই কাহিনীত বহু আৱেগো দেখা যাব । বহু হুলস্থুল আৰু একচনো দেখা যাব । এইবাৰ কিছুমান পুৰণি আৰু কিছুমান নতুন গেমো শ্ব’টোত দেখা যাব । শ্ব’টোৰ সৈতে জড়িত তথ্য দি নেটফ্লিক্স ইণ্ডিয়াই লিখিছে – এতিয়া ই একেবাৰে ফিনিচিং লাইনত । ২৬ ডিচেম্বৰত নেটফ্লিক্সত প্ৰচাৰ হ’ব স্কুইড গেম ২ ।
এই ছিৰিজত জি-হুনে লি জং-জেৰ চৰিত্ৰত অভিনয় কৰিছে । তেওঁ কয় যে তেওঁ কিয় শ্ব’টোলৈ ঘূৰি আহিছে । এক প্ৰতিবেদন অনুসৰি তেওঁ কয়- মই এই খেলখন শেষ কৰিবলৈ চেষ্টা কৰিছো । উল্লেখ্য যে, প্ৰথম ছিজনত জি-হুন খেলখনত জয়ী হৈছিল ।
শ্ব’টোৰ কাহিনী কি হ’ব ?
শ্ব’টোৰ দ্বিতীয় ছিজনৰ কাহিনী সন্দৰ্ভত কোৱা হৈছে যে এইবাৰ দেখুওৱা হ’ব যে স্কুইড গেমত ৩ বছৰ জয়ী হোৱাৰ পিছত ৪৫৬ নম্বৰৰ খেলুৱৈয়ে নতুন ধাৰণা লৈ ঘূৰি আহিছে । তেওঁ আকৌ এবাৰ এই বিপজ্জনক খেলখনত যোগদান কৰি খেলখনক এক নতুন স্তৰলৈ লৈ যাব । এইবাৰ যিয়ে খেলখনত জয়ী হ’ব তেওঁ লাভ কৰিব ৪৫.৬ বিলিয়ন ৱন পুৰস্কাৰৰ ধন । এইবাৰো যোৱা ছিজনৰ দৰেই প্ৰচণ্ড টুইষ্ট দেখা যাব ।
