মহাৰাষ্ট্ৰ বিধানসভা নিৰ্বাচন ২০২৪ৰ ফলাফলৰ প্ৰায় ১০ দিনৰ পাছত আজি বুধবাৰে (৪ ডিচেম্বৰ ২০২৪) শেষ হ’ব পাৰে ৰাজ্যখনৰ নতুন মুখ্যমন্ত্ৰীক লৈ চলি থকা উৎকণ্ঠা । ভাৰতীয় জনতা পাৰ্টিয়ে নিযুক্তি দিয়া দুয়োজন পৰ্যবেক্ষকে আজি মুম্বাইত বিজেপি বিধায়িনী দলৰ সৈতে বৈঠকত মিলিত হ’ব । ইয়াৰ পিছত মুখ্যমন্ত্রীৰ নাম ঘোষণা হোৱাৰ সম্ভাৱনা আছে ৷
সূত্ৰ অনুসৰি মুখ্যমন্ত্ৰীৰ দৌৰত দেৱেন্দ্ৰ ফাড়নৱিছ আগশাৰীত আছে আৰু তেওঁ যে মুখ্যমন্ত্ৰী হ’ব সেয়া প্ৰায় নিশ্চিত, মাথোঁ আনুষ্ঠানিক ঘোষণাহে বাকী আছে । প্ৰতিবেদন অনুসৰি ইতিমধ্যে দলৰ জ্যেষ্ঠ নেতাসকল তেওঁৰ পক্ষত আছে । একে সময়তে এতিয়া তেওঁ শিৱসেনা শিণ্ডেৰ ফৈদৰ মুৰব্বী একনাথ শিণ্ডেকো পতিয়ন নিয়াইছে । উপ-মুখ্যমন্ত্ৰীৰ পদত সন্মতি প্ৰকাশ কৰিছে শিণ্ডেই ।
একনাথ শিণ্ডেৰ সৈতে হোৱা বৈঠকত কেইবাটাও বিষয়ত আলোচনা হয়-
উল্লেখ্য যে মহাৰাষ্ট্ৰ বিজেপিৰ জ্যেষ্ঠ নেতাসকলৰ সৈতে দেৱেন্দ্ৰ ফাড়নৱিছে মঙলবাৰে ভাৰপ্ৰাপ্ত মুখ্যমন্ত্ৰী একনাথ শিণ্ডেক মুম্বাইস্থিত তেওঁৰ বাসগৃহত সাক্ষাৎ কৰে । ইয়াত মুখ্যমন্ত্ৰীৰ পদৰ পৰা উপ-মুখ্যমন্ত্ৰীলৈ বিতংভাৱে আলোচনা কৰা হয় । কোৱা হৈছে যে এই সময়ছোৱাত দেৱেন্দ্ৰ ফাড়নৱিছে শিণ্ডেক উপ-মুখ্যমন্ত্ৰীৰ পদৰ বাবে সন্মত কৰে, আনহাতে পূৰ্বে খবৰ ওলাইছিল যে শিণ্ডে ফাড়নৱীছৰ সৈতে এই পদ ল’বলৈ সাজু নাছিল ।
আজিৰ বিজেপিৰ বৈঠকত সকলোৰে দৃষ্টি থাকিব-
সূত্ৰসমূহে প্ৰকাশ কৰা অনুসৰি আজি কেন্দ্ৰীয় বিত্তমন্ত্ৰী নিৰ্মলা সীতাৰমণ আৰু দলৰ হাইকমাণ্ডে বিধায়িনী দলৰ বৈঠকৰ কেন্দ্ৰীয় পৰ্যবেক্ষক হিচাপে নিযুক্তি দিয়া গুজৰাটৰ প্ৰাক্তন মুখ্যমন্ত্ৰী বিজয় ৰূপানী দুয়োজনেই মুম্বাইত উপস্থিত হ’ব । তেওঁলোকৰ উপস্থিতিত বিধায়িনী দলৰ বৈঠক অনুষ্ঠিত হ’ব আৰু বিধায়কসকলে নিজৰ নেতা নিৰ্বাচন কৰিব । ইয়াৰ উপৰিও বৈঠকত কেবিনেট সন্দৰ্ভতো আলোচনা কৰা হ’ব । পুৱা ১০ বজাৰ পৰা আৰম্ভ হ’ব বিজেপি বিধায়িনী দলৰ বৈঠক । এই বৈঠক সমাপ্ত হোৱাৰ পিছত মুখ্যমন্ত্ৰীৰ নাম ঘোষণা কৰাৰ সম্ভাৱনা আছে ।
