মহাৰাষ্ট্ৰত মহাযুটী চৰকাৰ গঠন হোৱাৰ পিছত অৱশেষত মন্ত্ৰালয় বিতৰণৰ ক্ষেত্ৰত সহমতত উপনীত হয় সকলো । দেওবাৰে নাগপুৰত আয়োজন কৰা এক কাৰ্যসূচীত কেবিনেট সম্প্ৰসাৰণ কৰা হয় । বিয়লি ৪ বজাত নাগপুৰত ৰাজ্যপাল চি পি ৰাধাকৃষ্ণনে নতুন মন্ত্ৰীসকলক শপত বাক্য পাঠ কৰোৱাই । এই সময়ত মঞ্চত উপস্থিত থাকে নৱ নিৰ্বাচিত মুখ্যমন্ত্ৰী দেৱেন্দ্ৰ ফাড়নবিছ, দুয়োজন উপ-মুখ্যমন্ত্ৰী একনাথ শিণ্ডে আৰু অজিত পাৱাৰ ।
ইয়াৰ ভিতৰত বিজেপিৰ ১৯জন, শিৱসেনাৰ ১১জন আৰু এন চি পিৰ ৯জন বিধায়ক আছে । ৩৩ জন বিধায়কে কেবিনেট মন্ত্ৰী হিচাপে শপত গ্ৰহণ কৰাৰ বিপৰীতে ৬ জন বিধায়কে ৰাজ্য মন্ত্ৰী হিচাপে শপত গ্ৰহণ কৰে । এতিয়া ফাড়নৱিছ কেবিনেটত মুঠ মন্ত্ৰীৰ সংখ্যা ৪২ লৈ বৃদ্ধি পাইছে । ইয়াৰ ভিতৰত মুখ্যমন্ত্ৰী আৰু দুজন উপ মুখ্যমন্ত্ৰী আছে ।
উল্লেখ্য যে, ১৬ ডিচেম্বৰৰ পৰা ২১ ডিচেম্বৰলৈ নাগপুৰত অনুষ্ঠিত হ’বলগীয়া ৰাজ্যিক বিধানসভাৰ শীতকালীন অধিৱেশনৰ প্ৰাকক্ষণত ৰাজ্যপাল পি চি ৰাধাকৃষ্ণনে নতুন মন্ত্ৰীসকলক শপত গ্ৰহণ কৰোৱাই । এই অনুষ্ঠানত ৫ ডিচেম্বৰত মুম্বাইত শপত গ্ৰহণ কৰা মুখ্যমন্ত্ৰী দেৱেন্দ্ৰ ফাড়নবিছ, উপ-মুখ্যমন্ত্ৰী একনাথ শিন্দে আৰু উপ-মুখ্যমন্ত্ৰী অজিত পাৱাৰো উপস্থিত থাকে ।
নতুন মন্ত্ৰী পৰিষদত ৰাজ্যিক বিজেপিৰ সভাপতি চন্দ্ৰশেখৰ বাৱনকুলে আৰু বিজেপি মুম্বাই ইউনিটৰ সভাপতি আশীষ শ্বেলাৰকো অন্তৰ্ভুক্ত কৰা হৈছে । শিৱসেনাৰ গুলাব্ৰাই পাটিল আৰু দাদা ভূছে মন্ত্ৰী হিচাপে শপত গ্ৰহণ কৰে । সঞ্জয় ৰাঠোড়, শিৱসেনাৰ বিধায়ক উদয় সমান্ত, শম্ভুৰাজ দেশাইয়ে মন্ত্ৰী হিচাপে শপত গ্ৰহণ কৰে । মাৰাথৱাড়াৰ পৰা অহা সঞ্জয় শিৰছাটে মন্ত্ৰী হিচাপে শপত গ্ৰহণ কৰে । আনহাতে মাৰাঠা সম্প্ৰদায়ৰ বিশিষ্ট নেতা প্ৰতাপ সাৰ্নাইকে ফড়নৱীছ চৰকাৰত মন্ত্ৰী হিচাপে অন্তৰ্ভূক্ত কৰা হৈছে । ভাৰত গোগাৱলে ফাড়নৱীছ চৰকাৰত মন্ত্ৰী হিচাপে শপত গ্ৰহণ কৰে । প্ৰকাশ অবিতকাৰ, আশীষ জয়ছোৱালে আৰু যোগেশ কদমেও মন্ত্ৰী হিচাপে শপত গ্ৰহণ কৰে ।
এন চি পিৰ জ্যেষ্ঠ নেতা হাছান মুছৰিফে মন্ত্ৰী হিচাপে শপত গ্ৰহণ কৰে । একনাথ শিন্দে চৰকাৰতো মন্ত্ৰী হৈ আহিছে তেওঁ । ইফালে ধনঞ্জয় মুণ্ডে, দত্তত্ৰেয় ভৰ্ণে আৰু এন চি পিৰ প্ৰবীণ নেতা সুনীল তাটকাৰেৰ কন্যা অদিতি তাটকাৰে মন্ত্ৰী হিচাপে শপত গ্ৰহণ কৰে ।
