২০২৪ চনৰ চৈয়দ মুস্তাক আলী ট্ৰফী খিতাপ দখল কৰিছে মুম্বাইয়ে । ফাইনেলত মধ্যপ্ৰদেশক ৫ উইকেটত পৰাস্ত কৰি এই খিতাপ দখল কৰে দলটোৱে । শ্ৰেয়াছ আয়াৰৰ অধিনায়কত্বত থকা মুম্বাই দলৰ হৈ সূৰ্যকুমাৰ যাদৱ, অজিংক্য ৰাহানে আৰু সূৰ্য্ংশ শ্বেজে শক্তিশালী প্ৰদৰ্শন আগবঢ়ায় । সূৰ্যংশে ৩৬ ৰানৰ বিস্ফোৰক ইনিংছ খেলে । মধ্যপ্ৰদেশৰ অধিনায়ক ৰজত পাটিদাৰে অপৰাজিত ৮১ ৰান সংগ্ৰহ কৰে । অৱশ্যে তেওঁৰ ইনিংছ অথলে যায় ।
প্ৰথমে বেটিং কৰি মধ্যপ্ৰদেশে মুম্বাইক ১৭৫ ৰানৰ লক্ষ্য বান্ধি দিয়ে । ইয়াৰ প্ৰতিক্ৰিয়া স্বৰূপে ১৭.৫ অভাৰত মুম্বাইয়ে জয়লাভ কৰে । দলৰ হৈ সূৰ্যংশে বিস্ফোৰক প্ৰদৰ্শন আগবঢ়ায় । ১৫টা বলৰ সন্মুখীন হৈ তেওঁ অপৰাজিত ৩৬ ৰান সংগ্ৰহ কৰে । এই সময়ছোৱাত তেওঁ ৩টা চাৰি আৰু ৩টা ছয় কোবায় । অথৰ্বই ৬টা বলত ১৬ ৰান সংগ্ৰহ কৰে । তেওঁ ২টা ছয় কোবাই ।
ৰাহানেৰ শক্তিশালী প্ৰদৰ্শন-
মধ্যপ্ৰদেশে দিয়া টাৰ্গেট অনুসৰণ কৰি পৃথ্বী শ্ব’ আৰু অজিংক্য ৰাহানেই মুম্বাই দলৰ হৈ অ’পেন কৰিবলৈ আহে । পৃথ্বীয়ে বিশেষ প্ৰদৰ্শন কৰিব পৰা নাছিল । ১০ ৰান সংগ্ৰহ কৰি তেওঁ আউট হয় । ৰাহানেই ৩৭ ৰানৰ গুৰুত্বপূৰ্ণ ইনিংছ খেলে । তেওঁ ৩০টা বলৰ মুখামুখি হয় আৰু ৪টা চাৰি কোবায় । ১৬ ৰান সংগ্ৰহ কৰি আউট হয় অধিনায়ক শ্ৰেয়াছ আয়াৰ । তেওঁ ২টা চাৰি আৰু ১টা ছয় কোবায় । মাত্ৰ ৯ ৰান সংগ্ৰহ কৰি আউট হয় শিৱম ডুবে ।
অৰ্ধশতক বঞ্চিত হয় সূৰ্যকুমাৰ যাদৱ-
মুম্বাইৰ হৈ চাৰি নম্বৰত বেটিং কৰিবলৈ আহিছিল সূৰ্যই । এই সময়ছোৱাত তেওঁ ৩৫টা বলৰ মুখামুখি হৈ ৪৮ ৰান সংগ্ৰহ কৰে । সূৰ্যৰ এই ইনিংছত ৪টা চাৰি আৰু ৩টা ছয় অন্তৰ্ভুক্ত আছে ।
মধ্যপ্ৰদেশৰ হৈ পাটিদাৰে খেলে বিস্ফোৰক ইনিংছ –
প্ৰথম বেটিং কৰি মধ্যপ্ৰদেশে ২০ অভাৰত ৮টা উইকেট হেৰুৱাই ১৭৪ ৰান সংগ্ৰহ কৰে । এই সময়ত ৰজত পাটিদাৰে বিস্ফোৰক প্ৰদৰ্শন আগবঢ়ায় । ৪০টা বলৰ সন্মুখীন হৈ তেওঁ অপৰাজিত ৮১ ৰান সংগ্ৰহ কৰে । এই ইনিংছত পাটিদাৰে ৬টা চাৰি আৰু ৬টা ছয় কোবায় । সুব্ৰংশু সেনাপতিয়ে ২৩ ৰানৰ ইনিংছ খেলে । ১৭ ৰান সংগ্ৰহ কৰি আউট হয় ভেংকটেশ আয়াৰ । হৰপ্ৰীত সিঙে ১৫ ৰানৰ বৰঙণি আগবঢ়ায় ।
মুম্বাইৰ হৈ শ্বাৰ্দুল-তনুছে দখল কৰে দুটাকৈ উইকেট-
ফাইনেলত মুম্বাইৰ হৈ শ্বাৰ্দুল ঠাকুৰে ২টা উইকেট দখল কৰে । ৪ অভাৰত ৪১ ৰানত ২ উইকেট দখল কৰে শ্বাৰ্দুলে । ৰয়ষ্টন ডায়েছে ৩ অভাৰত ৩২ ৰানত ২ উইকেট দখল কৰে । শিৱম ডুবে, শ্ৰেয়াংশ শ্বেডজে আৰু অথৰ্বই এটাকৈ উইকেট লাভ কৰে ।
